Хаартыска: www.sakha.gov.ru
Бу туһунан брифинг кэмигэр Инбэлииттэри чөлүгэр түһэрии социальнай-чэбдигирдэр өрөспүүбүлүкэтээҕи киинин дириэктэрэ Асида Алексеева иһитиннэрдэ.
“Инбэлииттэри чөлүгэр түһэрии социальнай-чэбдигирдэр өрөспүүбүлүкэтээҕи киинигэр ааспыт сыл от ыйыттан 90 анал байыаннай эпэрээссийэ кыттыылааҕа уонна 70 кинилэр дьиэ кэргэттэрин чилиэнэ доруобуйаларын чөлүгэр түһэрии кууруһун аастылар”, — диэн иһитиннэрдэ.
Комплекснай чөлүгэр түһэрии бырагырааматын иитинэн байыаннай эпэрээссийэ кыттыылаахтарыгар уонна кинилэр дьиэ кэргэттэрин чилиэннэригэр социальнай-психологическай итиэннэ социальнай-мэдиссиинискэй көмө оҥоһуллар.
Дьон биирдиилээн психологическай уонна психотерапевтическай көмөнү ылаллар. Онно миэстэтигэр эбии идэҕэ үөрэнии уонна саҥалыы бэлэмнээһин, идэ таһымын үрдэтии боппуруостарынан сүбэлэри туһаналлар.
“Самородок” бассейҥҥа дьарык уонна Полежаевтар аһымал пуондаларын кытта сөбүлэҥинэн иппотерапия көдьүүстээхтэрэ көстөр. Байыаннай эпэрээссийэ кыттыылаахтарыгар уонна кинилэр дьиэ кэргэттэрин чилиэннэригэр үтүө хамсааһын баара бэлиэтэнэр, тулуурдаах буолаллар, сынньаммыта биллэр. Бу дьарыктар истириэһи усталлар, уопсай туруктарын тупсараллар, настарыанньаларын көтөҕөллөр.
Арчы дьиэтигэр байыаннай эпэрээссийэ кыттыылаахтарын уонна кинилэр чугас дьонноругар анаан ыытыллар алгыс сиэрэ-туома эмиэ санааларын бөҕөргөтөр, ис дууһаларын уоскутар”, — диэн чөлүгэр түһэрэр киин дириэктэрэ этэр.
Ил Дархан уонна Бырабыыталыстыба пресс-сулууспата.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…