Хаартыска: sakha.gov.ru ылылынна
Саха сиригэр байыаннай сулууспалаахтарга – байыаннай эпэрээссийэ кыттыылаахтарыгар уонна кинилэр дьиэ кэргэттэрин чилиэннэригэр аадырыстаммыт көмө салгыы оҥоһуллар.
«Өрөспүүбүлүкэ бырабыыталыстыбатын уурааҕынан сылааһы кииннээн биэриигэ үбүнэн-харчынан биир кэлим көмөнү оҥорор туһунан уураахха уларытыы киллэрилиннэ. Байыаннай эпэрээссийэ кыттыылаахтара, байыаннай дьайыылар бэтэрээннэрэ уонна кинилэри кытары бииргэ олорор дьиэ кэргэн, дохуоттарын таһымыттан тутулуга суох, сылааһы кииннээн биэриигэ холбонорго биир кэлим көмөнү ылыахтара”, — диэн СӨ бырабыыталыстыба бэрэссэдээтэлин солбуйааччы Георгий Степанов олунньу 12 күнүгэр брифиҥҥэ иһитиннэрдэ.
2024 сыл олунньу 9 күнүнээҕи туругунан, өрөспүүбүлүкэҕэ 85 ыалга олорор дьиэҕэ гааһы киллэрэргэ үбүнэн көмө оҥоһулунна. Байыаннай сулууспалаахтар 225 төрөппүттэрэ санаторийга-куруорка эмтэнэ барарга көмө ыллылар, байыаннай сулууспалаахтар дьиэ кэргэттэрин 225 чилиэнэ байыаннай сулууспалаах эмтэнэр сиригэр барарыгар харчынан көмөнөн туһанна.
Байыаннай эпэрээссийэ 510 кыттыылааҕа уонна байыаннай сулууспалаахтар дьиэ кэргэттэрин 832 чилиэнэ доруобуйа харыстабылын уонна социальнай хааччыйыы тэрилтэлэригэр доруобуйатын чөлүгэр түһэриннэ. 280 киһи, ол иһигэр байыаннай эпэрээссийэ 95 кыттыылааҕа уонна байыаннай сулууспалаахтар дьиэ кэргэттэрин 185 чилиэнэ, нэһилиэнньэ дьарыктаах буолуутун кииннэриттэн үлэ көрдөөтө.
Дойду бэрэсидьиэнэ Владимир Путин: “Ити дьиэ кэргэттэри өйөөһүн – биһиги уопсай үлэбит дьоһуннаах хайысхата. Бу үлэни хайаан да салгыахха наада, дойдуларын көмүскээн байыаннай иэстэрин толоро сылдьааччылар дьиэ кэргэттэрин умнуо суохтаахпыт”, — диэн байыаннай эпэрээссийэ кыттыылаахтарын дьиэ кэргэттэрин өйөөһүн эрэгийиэннэргэ барыларыгар сүрүн үлэнэн буоларын бэлиэтиир.
СӨ Ил Дарханын уонна бырабыыталыстыбатын пресс-сулууспата
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…