СИА хаартыската
Саха сиригэр байыаннай сулууспалаахтарга – байыаннай эпэрээссийэ кыттыылаахтарыгар уонна кинилэр дьиэ кэргэттэригэр аадырыстаах көмө салгыы оҥоһуллар.
СӨ бырабыыталыстыбатын бэрэссэдээтэлин солбуйааччы Георгий Степанов ахсынньы 11 күнүгэр брифиҥҥэ иһитиннэрбитинэн, өрөспүүбүлүкэ 1164 байыаннай сулууспалааҕар уонна байыаннай эпэрээссийэ кыттыылаахтарын 1882 чилиэнигэр мэдиссиинэ көмөтө оҥоһулунна.
«Ону сэргэ байыаннай сулууспалаахтартан 180 төрөппүт санаторийга-курортка эмтэнэргэ көмө ылла, байыаннай эпэрээссийэ кыттылааҕын дьиэ кэргэниттэн 203 киһи кини эмтэнэр сиригэр тиийэригэр материальнай көмөнү ылла.
393 байыаннай сулууспалаах уонна кини дьиэ кэргэнин 719 чилиэнэ доруобуйа харыстабылын уонна социальнай хааччыйыы тэрилтэлэригэр доруобуйатын чөлүгэр түһэриннэ. 78 ыал гаас киллэринэригэр материальнай көмө оҥоһулунна», – диэтэ Георгий Степанов.
Ону таһынан үлэни буларга көмө оҥоһуллар. Нэһилиэнньэ дьарыктаах буолуутун киинигэр анал эпэрээссийэ 78 кыттыылааҕа уонна байыаннай сулууспалаах дьиэ кэргэнин 170 чилиэнэ үлэ буларга көмө көрдөөтө. Кинилэртэн 78 киһи үөрэнэ барда, 132 киһи үлэ булла.
СӨ Ил Дарханын уонна бырабыыталыстыбатын пресс-сулууспата
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…