Хаартыска: Ил Дархан пресс-сулууспата
СӨ Үөрэххэ уонна наукаҕа министиэристибэтин чэрчитинэн, байыаннай эпэрээссийэ кыттыылаахтарын уонна кинилэр дьиэ кэргэттэрин өйүүр дьаһаллар салҕаналлар.
Үөрэх уонна наука миниистирин бастакы солбуйааччы Алевтина Аргунова брифиҥҥэ санатан эппитинэн, өйөбүл 5 дьаһала баар.
«Анал эпэрээссийэ кыттыылаахтарын тыһыынчаттан тахса оҕото оскуола иннинээҕи саастаах оҕолор тэрилтэлэригэр сылдьар иһин төлөбүрдэртэн босхолонно. 5-11 кылаас үөрэнээччилэрэ, төрөппүттэрэ эбэтэр сокуонунан көрүллэр бэрэстэбиитэллэрэ байыаннай эпэрээссийэҕэ сылдьар кэмнэригэр, босхо аһылыгынан хааччыллаллар. Ону таһынан, ыам ыйын 1 күнүттэн сайыҥҥы чэбдигирдэр лааҕырдарга суруйтарыы саҕаланна. Маннык өйөбүл кыһын эмиэ оҥоһуллубута, сылы быһа үлэлиир лааҕырдарга байыаннай эпэрээссийэ кыттыылаахтарын 129 оҕото сырытта”, — диэн миниистири бастакы солбуйааччы иһитиннэрдэ.
Санатан эттэххэ, оҕо чэбдигирдэр лааҕырдарыгар суруйтарыы уонна докумуоннары тутуу ыам ыйын 1 күнүттэн судаарыстыбаннай өҥөлөр биир кэлим порталларыгар саҕаланна. Сайыҥҥы сынньалаҥы тэрийэр ыстаап нүөмэрэ: 8 800 550 14 21.
Саха сиригэр уонна өрөспүүбүлүкэ тас өттүгэр үрдүк уонна орто үөрэх кыһаларын устудьуоннарыгар үрдүк истипиэндьийэ көрүллэр (төрөппүттэрэ байыаннай эпэрээссийэҕэ сылдьар кэмнэригэр). Итинник истипиэндьийэни өрөспүүбүлүкэ таһыгар үөрэнэр — 117, Саха сиригэр үөрэнэр 300-тэн тахса устудьуон ылар.
Ону сэргэ, орто уонна үрдүк үөрэх кыһаларыгар тус сыаллаах үөрэнэргэ, өрөспүүбүлүкэ бүддьүөтүн суотугар, дуогабардар түһэрсиллэллэр.
(СӨ Ил Дарханын уонна бырабыыталыстыбатын пресс-сулууспатын матырыйаалларынан)
Арассыыйаҕа саҥа дьиэни үлэҕэ киллэрии кээмэйэ 2025 сыл түмүгүнэн былырыыҥҥытааҕар кыратык аччыаҕа уонна 103-105 кв.м.…
Арассыыйа Бэрэсидьиэнэ Владимир Путин сыл түмүктэрин таһаарар быһа эпииригэр киниттэн NBC суруналыыһа Кир Симмонс, Москва…
“Владимир Путины кытта сыл түмүктэрэ” бырагыраама судаарыстыба баһылыгын улахан пресс-кэмпириэнсийэтэ уонна быһа лииньийэтин ситимниир “Владимир…
Дойду Бэрэсидьиэнэ Владимир Путин сыл түмүктэрин таһаарар быһа эпииригэр, НДС-ка түһээн үрдээһинин сыала-соруга бүддьүөт тэҥнэһиитин…
Саха сириттэн -50 кыраадыс тымныыттан тиийбит “Саха”НКИХ ыытааччыта Олег Колесов-Талбан бастаан киинэ туһунан эттэ, онтон…
Арассыыйа Бэрэсидьиэнэ Владимир Путин “Сыл түмүктэрэ” быһа эпииргэ Арассыыйаҕа инфляция кыһалҕатын быһаарарга кыах баар, сыл…