Байыаннай эпэрээссийэ кыттыылаахтарыгар ыытыллар көмө испииһэгэ эбии чопчуланна

Өрөспүүбүлүкэ суһал ыстааба Саха сириттэн барбыт байыаннай эпэрээссийэ кыттыылаахтарын хааччыйарга анаммыт анал тиэхиньикэ уонна байыаннай-техническэй тэрил испииһэгин чопчулаабыт.

Бу туһунан суһал ыстаап салайааччытын солбуйааччы Дмитрий Лепчиков брифинг кэмигэр иһитиннэрбит. Ыытыллар мал-сал, тэрил испииһэгэ онно сылдьар байыастар баҕа санааларыгар олоҕуран таҥыллыбыт. Маны сэргэ, бу күннэргэ «Якутия с тобой!» доброволецтар хамсааһыннарын гуманитарнай көмөлөрө  эмиэ ыытыллыбытын туһунан эттэ.

Бырабыыталыстыба отчуотун кэмигэр мобилизацияммыт дьон дьиэ кэргэттэрин кытта көрсүһүүлэр тэриллэллэр. Манна кинилэр кыһалҕаларын быһаарарга муниципальнай тэриллиилэр уонна араас биэдэмистибэлэр бэрэстэбиитэллэрэ кыттыыны ылаллар», — диэн бэлиэтиир Дмитрий Лепчиков.