Байыаннай эпэрээссийэ кыттыылаахтарын доруобуйаларын чөлүгэр түһэрэллэр.
Медицинскай реабилитация уонна успуорт мэдиссиинэтин өрөспүүбүлүкэтээҕи киинигэр байыаннай сулууспалаахтарга анаан 10 куойка баар. Анал байыаннай эпэрээссийэттэн кэлбит байыаннай сулууспалаахтар бу кииҥҥэ мультидисциплинарнай эмтэниини бараллар. Бүгүҥҥү күн туругунан мобилизацияламмыт сүүрбэ киһи итиннэ баар диэн суруйар СИА кэрэспэдьиэнэ Саина Титова.
Киин доруобуйаны чөлгө түһэрэргэ көмөлөөх, наадалаах тэрилинэн хааччыллыбыт. Исписэлиистэр бэлиэтээбиттэринэн, үксүлэрэ контузиялаах (доргутуу) дьон киирэллэр.
Быстах байыаннай эпэрээссийэ кыттыылаахтарын кытары манна мультидисциплинарнай биригээдэ үлэлиир: физиотерапевт, травматолог, ортопед, невролог, медицинскэй психолог, чөлгө түһэриигэ уонна эмтиир, чэбдигирдэр физкультуранан дьарыктыыр быраас.
«Биһиэхэ анал байыаннай эпэрээссийэ кыттыылаахтара байыаннай госпиталь кэнниттэн кэлэллэр. Пациеннар сүрүннээн бары контузиялаахтар, бары уйулҕаларыгар травмалаахтар. Хантараактаахтар эмиэ бааллар, уоппускаларын кэмигэр кэлбиттэр. Кииҥҥэ уон куойкалаах туспа палааталар бааллар. Чөлгө түһэрии комплексыгар барыта киирэр. Реабилитация кэнниттэн байыаннай эпэрээссийэҕэ кыттыбыт эдэр дьон үксэ үөрэхтэригэр төннөллөр», — диэн кэпсиир кылаабынай бырааһы эмтиир үлэҕэ солбуйааччы Сергей Черкашин.
Биллэрин курдук, байыаннай сулууспалаахтарга психолог сүбэтэ-амата олус наада. Киин медицинскэй психолога Ангелина Алексеева бастатан туран диагностикалыылларын, бөлөҕүнэн уонна биирдиилээн консультациялары оҥороллорун этэр. «Ким эрэ бу тиэмэҕэ кэпсэтиэн баҕарбат, сорохтор тута аһыллаллар. Саамай сүрүнэ, анал байыаннай эпэрээссийэ кытыылаахтарыгар, көннөрү пациеннарга курдук сыһыаннаһыахха, кинилэри ыгымыахха наада», — диэн этэр.
Медицинскай реабилитация уонна успуорт мэдиссиинэтин киинигэр соторутааҕыта саҥа тэрил аҕалыллыбыт.
Манна хас биирдии пациент 14 күн устатыгар реабилитацияланар. Наада буоллаҕына кииҥҥэ атын исписэлиистэри ыҥырыахтарын сөп.
Хаартыскалар СИА
Бүгүн өрөспүүбүлүкэ Ил Дархана Айсен Николаев Ил Түмэҥҥэ туһаайан этиитин иһиттибит. Түгэнинэн туһанан, “Чурапчы” ТХПК…
Ил Түмэн спикерэ Алексей Еремеев Ил Дархан СӨ Судаарыстыбаннай Мунньаҕар (Ил Түмэҥҥэ) туһаайан этиитигэр бэйэтин санаатын…
Айсен Николаев Ил Түмэҥҥэ Туһаайыытыгар ыам ыйдааҕы Ыйаахха киирсибэтэх бүддьүөт эйгэтин үлэһиттэригэр хамнаска былааннаммыт үрдээһини …
Сергей Местников, СӨ Бырабыыталыстыбатын Бэрэссэдээтэлин солбуйааччыта: -Ил Дархан Туһаайан этиитигэр бырамыысыланнаска, экэниэмикэҕэ, тыа хаһаайыстыбатыгар ылыллыбыт…
Ил Дархан Айсен Николаев СӨ Судаарыстыбаннай Мунньаҕар (Ил Түмэҥҥэ) туһаайан этиитигэр бырамыысыланнас салаатын тэрилтэлэрэ социальнай…
Бүгүн, ахсынньы 23 күнүгэр, Ил Дархан СӨ Судаарыстыбаннай Мунньаҕар (Ил Түмэҥҥэ) туһаайан этиитигэр Саха Өрөспүүбүлүкэтигэр …