Саха сирин нэһилиэнньэ дьарыктаах буолуутугар госкэмитиэтэ байыаннай эпэрээссийэ кыттыылаахтарын үөрэтии анал бырагырааматын торумнуур. Үөрэтии, олордуу уонна медкөрүү босхо буолуо диэн этиллэр.
Байыаннай эпэрээссийэ кыттыылаахтара уонна кинилэр дьиэ кэргэттэрэ үлэҕэ ылыыга ураты өйөбүлүнэн туһаналлар, кинилэргэ нэһилиэнньэ дьарыктаах буолуутугар көмөлөһөр бары судаарыстыбаннай өҥөлөр көрүллэллэр. ”Дьарыктаах буолуу сулууспатын уорганнарыгар сэттэ кыттааччы кэлэ сырытта”, — диэтэ Дьарыктаах буолуу судаарыстыбаннай кэмитиэтин үлэлээх буолуу көхтөөх бэлиитикэтин уонна судаарыстыбаннай хонтуруол отделын салайааччыта Марианна Заровняева. Ону тэҥэ идэҕэ хаттаан бэлэмнээһин, социальнай адаптацияны ааһыы, уйулҕа өттүнэн өйөбүл, сүбэ-ама оҥоһуллар. Байыаннай эпэрээссийэ кыттыылаахтара үөрэнэр бырааптаахтар. Билигин харабылга уонна хайа оробуочайыгар икки эр киһи үөрэнэр.
“Работа в России” биир кэлим цифровой платформа нөҥүө электроннай көрүҥүнэн сайабылыанньаны биэриэххэ сөп. Өскөтүн электроннай көрүҥүнэн сайабылыанньаны биэрэр кыаҕа суох киһи, дьарыктаах буолуу кииннэригэр кэлиэн наада. Бу киин үлэһиттэрэ үлэҕэ киирэргэ эбэтэр үөрэнэргэ сайабылыанньаны толорууга көмөлөһүөхтэрэ. Пааспар эрэ ирдэнэр, атын докумуоннары киин үлэһиттэрэ бэйэлэрэ ирдэһиэхтэрэ.
СИА
Андрей Сорокин, СИА хаартыската.
Бу сыл от ыйын 1 күнүттэн элбэх оҕолоохтор уонна биэнсийэлээх дьон олох-дьаһах хомунаалынай хаһаайыстыба өҥөтүн…
Мииринэй Удачнай куоратыгар уонна Айхал бөһүөлэгэр "Мин биисинэһим" киин исписэлииһэ Наталья Константинова урбаанньыттарга анаан уонна…
Куруук үөрэ-көтө, мичээрдии сылдьыбыт оҕо сааспыт доҕоро, үөрэппит оҕом Ньургустаан Корнилов бүгүн, ыам ыйын 3…
Ыам ыйын 3 күнэ үүнэр түүнүгэр, бөөлүүн, Сунтаарга дьүкээбил уота суһумнуу умайда. Бу дьикти кэрэ…
Ыам ыйын 2-3 күннэригэр Дьокуускай куоракка оптуобустар сырыыларын көрдөрөр "Умный транспорт" сыһыарыы үлэтэ сороҕор хааччахтана…
Бүгүн, ыам ыйын, 3 күнүгэр СӨ үөрэх уонна наука миниистирэ Нюргуна Соколова FM 107,1 «Тэтим» Саха…