Хаартыска: sakha.gov.ru
Ил Дархан Айсен Николаев “Байыаннай сулууспалаахтар оҕолорун өйүүр миэрэлэр тустарынан” ыйааҕын олоххо киллэриигэ СӨ Үөрэҕин уонна билимин министиэристибэтэ кэлим үлэни ыытар. Саха сирин үөрэҕин тэрилтэтэ күн бүгүн байыаннай эпэрээссийэ кыттыылаахтарын оҕолоругар 4 102 социальнай өйөбүлү оҥорбут. Ол туһунан бүгүҥҥү брифиҥҥэ Үөрэх уонна билим миниистирин солбуйааччы Виктория Захарова иһитиннэрдэ.
“1 136 оҕо төрөппүтэ уһуйааҥҥа төлөбүртэн босхолонно. 5-11-с кылаас 1 170 оскуола үөрэнээччитэ босхо аһыыр”, — диэн миниистир солбуйааччыта иһитиннэрдэ.
Оҕо доруобуйатын бөҕөргөтөр лааҕырдарга 6,6-18 диэри саастаах оҕолордоох байыаннай сулууспалаах-байыаннай эпэрээссийэ кыттааччыларын оҕолоругар босхо путевкаҕа сайаапканы биэрии эбиллэ турар. Күн бүгүн босхо путевканы биэрэр туһунан 1 341 быһаарыыны ылыммыттар.
“Тус сыаллаах орто уонна үрдүк үөрэхтэргэ үөрэнэргэ 122 дуогабарга быһаарыы ылылынна. Байыаннай эпэрээссийэ кыттыылааҕын орто, үрдүк үөрэҕэр үөрэнэр 333 устудьуон оҕотугар, ону тэҥэ, байыаннай сулууспаттан барбыттарга үрдэтиллибит истипиэндьийэ төлөнөр”, — диэн Виктория Захарова иһитиннэрэр.
Санатан этэбит, байыаннай эпэрээссийэ кыттыылааҕын дьиэ кэргэнигэр көрүллэр өйөбүл миэрэлэринэн туһанар туһугар МФЦга эбэтэр судаарыстыбаннай уонна мунициальнай сулууспа e-yakutia.ru өҥөтүн порталын нөҥүө сайабылыанньа биэрэр ирдэнэр.
Ил Дархан уонна Бырабыыталыстыба пресс-сулууспата.
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…
Кини граҥҥа киирсиитэ бу бастакы сырыыта буолбатах. Ол курдук, СӨ Тыатын хаһаайыстыбатын уонна ас-үөл бэлиитикэтин…
“Уһук Илин сулуһа” (“Звезда Дальнего Востока”) сыллата ыытыллар уопсастыбаннай-дьыалабыай бириэмийэҕэ Уһук Илиҥҥэ уонна Арктикаҕа олоххо…
Дьүкээбил туһунан төһө билэҕитий? Дьүкээбил -- айылҕа дьикти уонна ураты көстүүтэ. Дьүкээбил биһиги планетабытыттан сүүстэн…
"Аҕа дойдуну көмүскээччилэр" пуонда филиала байыаннай дьайыы бэтэрээнэ Юлиан Смогайлов "Транснефть-Восток" бөдөҥ бырамыысыланнай хампаанньаҕа үлэҕэ…
Бу күннэргэ саамай кылгас, хараҥа, тымныы күннэр тураллар. Аҕыйах хонон баран, күммүт кутуйах хаамыытынан уһаан…