Саҥа үөрэх дьылын чугаһыгар байыаннай эпэрээссийэ кыттыылаахтарын оҕолорун оскуолаҕа босхо аһатыы уонна уһуйааҥҥа төрөппүт төлөбүрүттэн босхолооһун туһунан ыйытыы суолталаах буолар. Бу туһунан брифинг кэмигэр 122 “горячай лиинньийэ” салайааччыта Мария Винокурова иһитиннэрдэ.
Төрөппүттэрэ (сокуоннай бэрэстэбиитэллэрэ) байыаннай эпэрээссийэ ыытыллар кэмигэр кыттыбыт эбэтэр кытта сылдьар 5-11-с кылаас үөрэнээччилэригэр босхо аһылык көрүллэр диэн кини эттэ. “Төрөппүтэ (сокуоннай бэрэстэбиитэлэ), ол иһигэр 2022 сыл олунньу 24 күнүттэн байыаннай сулууспа саҕаланыаҕыттан байыаннай сулууспаҕа сылдьар уһуйаан иитиллээччитин төрөппүтүн дохуотуттан тутулуга суох төлөбүрэ 100 % толуйуллар. Төлөөбүт төрөппүттэргэ хаттаан ааҕан көрөн баран төнүннэриэхтэрэ”, — диэн Мария Винокурова иһитиннэрдэ.
“Өскөтүн байыаннай сулууспалаахтар сокуоннай саастарын ситиэхтэригэр диэри тулаайах оҕолор эбэтэр төрөппүт көрүүтэ суох хаалбыт оҕолор ахсааннарыгар киирэ сылдьыбыт буоллахтарына, бу өйөбүл миэрэлэринэн бииргэ төрөөбүт уонна тастыҥ (полнородных и неполнородных братьев и сестер) убайдара, бырааттара, эдьиийдэрэ, балыстара туһаныахтарын сөп”, — диэн салайааччы быһаарда.
Өҥөнү туһанарга ирдэнэр докумуоннар:
1). Бэйэни туоһулуур докумуон (аата, хаһан бэриллибитэ);
2). Аймахтыы буоларын туоһулуур докумуон (аата, хаһан бэриллибитэ, реквизиттара);
3). Сайабылыанньаҕа регистрацияламмыт, билигин олорор аадырыһы, ханнык оскуолатын ыйар ирдэнэр;
4). Төлөпүөн нүөмэрэ.
“Бу өҥөнөн аан маҥнай туһанар дьон СӨ судаарыстыбаннай уонна муниципальнай өҥөнү оҥорор киинигэр МФЦ, МФЦ филиалларыгар эбэтэр e-yakutia.ru порталга сайаапка биэриэхтээхтэр”, —диэн Мария Винокурова эттэ.
Эрэгийиэннээҕи 122 “горячай лиинньийэҕэ” 2023 сыл тохсунньутуттан 30,1 тыһ. тахсата төлөпүөннээбиттэр. Сиһилии манна ааҕыҥ.
Ил Дархан уонна Бырабыыталыстыба пресс-сулууспата.
Гражданскай оборуона дьыалаларыгар уонна нэһилиэнньэ олоҕор куттала суох буолуутун хааччыйыы миниистирин собуйааччы Яна Наумова киэһээҥҥи…
Күннээҕи олоҕу кытта тэҥҥэ хардыылыыр дьон түөкүттэр бааллар эбит. Аны оскуоланы бүтэрээри сылдьар оҕолорго үрдүк…
Ырыа күнүгэр аналлаах кэнсиэртэр оптуорунньукка, ыам ыйын 21 күнүгэр, Саха сирин бары куораттарыгар уонна сэлиэнньэлэригэр…
СӨ Ил Дархана Айсен Николаев Нам улууһугар оробуочай сырыытын чэрчитинэн, Хатырык олохтоохторун кытары көрсүһүү тэрийэн…
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…
Бу туһунан Саха сирин бырабыыталыстыбатын Бэрэссэдээтэлин солбуйааччы Анатолий Семенов иһитиннэрдэ. Нам улууһугар халаан уутуттан үөрэх…