Хаартыска: Ил Дархан, бырабыыталыстыба пресс-сулууспата
Психология өрөспүүбүлүкэтээҕи киинэ байыаннай эпэрээссийэ саҕаланыаҕыттан ыла 12,8 тыһыынча киһиэхэ тустаах көмөнү оҥордо, уопсайынан 15,4 тыһыынча биирдиилээн уонна бөлөҕүнэн үлэ ыытылынна. Бу туһунан алтынньы 27 күнүгэр СӨ бырабыыталыстыбатын бэрэссэдээтэлин солбуйааччы Ольга Балабкина иһитиннэрдэ.
Билигин “Бэс Чагда” санаторий доруобуйаны чөлүгэр түһэрэр киинигэр уйулҕа үлэһиттэрэ үлэлии барарга бэлэмнэнэллэр, кинилэр эбии үөрэнэ сылдьаллар.
«Ростов-на-Дону байыаннай госпиталга уйулҕа үлэһиттэрин көһө сылдьар тохсус биригээдэлэрэ үлэлиир. Байыаннай сулууспалаахтары кытары үлэ “Дойдуну көмүскээччилэр” судаарыстыбаннай пуонда салаатыгар психолог кэбиниэтигэр, дьиэ кэргэттэри кытары үлэ Курашов аатынан уулусса 36-с дьиэтигэр ыытыллаллар. Өрөспүүбүлүкэ улуустарыгар киин салаалара уонна көһө сылдьар психологическай десаннар өйөбүлү оҥороллор”, — диэтэ вице-премьер.
Ольга Балабкина иһитиннэрбитинэн, байыаннай эпэрээссийэ кыттыылаахтарын уонна кинилэр чугас дьоннорун кытары үлэ босхо тэриллэр. Баҕалаах дьон ааттарын-суолларын биллэрбэккэ туран көмөнү ылыахтарын сөп.
Итэҕэл суукканы быһа үлэлиир төлөпүөнэ, салаалар хантаактара: 8-800-100-35-50 эбэтэр 122, салҕыы 6 уонна 2 кунуопкалары баттыыгыт.
Айсен Николаев сорудаҕынан байыаннай эпэрээссийэ кыттыылаахтарыгар уонна кинилэр дьиэ кэргэттэригэр көмөнү оҥоруу үлэтэ салҕанар. Бэйэҕит этиилэргитин уонна ыйытыыларгытын “суһал линия” 122 нүөмэринэн эбэтэр улуустар, куорат уокуруктарын баһылыктарын социальнай боппуруостарга солбуйааччыларын нөҥүө ыытыаххытын сөп.
(СӨ Ил Дарханын уонна бырабыыталыстыбатын пресс-сулууспатын матырыйаалынан)
Дьокуускайга Н.Н.Тарскай аатынан "Туймаада" стадиоҥҥа ыытыллар "Азия оҕолоро" норуоттар икки ардыларынааҕы спортивнай оонньуулары үөрүүлээхтик аһыы…
Саха сиригэр 2024 сылтан саҥа ыал буолар, 25 саастарын туола илик эдэр дьоҥҥо саахсаламмыттарын кэнниттэн…
СӨ Судаарыстыбаннай тутуу уонна олорор дьиэ хонтуруолун управлениета уонна «Биир ньыгыл Арассыыйа» баартыйа «Эдэр гвардия»…
Саха Өрөспүүбүлүкэтин үөрэхтээһиҥҥэ уонна наукаҕа миниистирин бастакы солбуйааччы Алевтина Аргунова ыам ыйын 15 күнүгэр брифинг…
2023 сыл балаҕан ыйыгар Ил Дархан Айсен Николаев Оһуохай күнүн тэрийэр туһунан ыйаахха илии баттаабыта.…
ИлДархан Айсен Николаев СӨ Бочуоттаах олохтооҕун Егор Ларионовы кытары өрөспүүбүлүкэ, чуолаан Нам улууһун социальнай-экэнэмиичэскэй сайдыытын…