Дзержинскэй уулуссаҕа баар «Якутия» технопааркаҕа иистэнэр сыахха күн ахсын массыыналар тигинэччи үлэлииллэр.
Быстах байыаннай хомуур саҕаланаатын кытта, «Якутия с тобой!” диэн көмөнү хомуйар ыстаап үлэтин саҕалаабыта. Бу ыстаап хос бэрэссэдээтэлэ Ирина Егоровна Саввина билигин иистэнэр сыаҕы сүрүннүүр:
— Биһиги ыстаабы кытта ыкса үлэлэһэбит. Билигин мин технопааркаҕа иистэнэр сыаҕы сүрүннүүбүн. Күн ахсын уоннуу волонтер кэлэн иистэнэр. Волонтердарбыт диэн бочуоттаах сынньалаҥҥа олорор ийэлэр, эбэлэр буолаллар. Бастаан биһиги аптечка эрэ тигэр этибит. Кэлин үрүсээк, флистэн көстүүм, балаклава бэргэһэ, кээнчэ, баккы, аптечка кэмпилиэгин тигэн бэлэмниир буоллубут. Уопсайа 46 кэмпилиэги илдьэн ыстаапка туттардыбыт. Билигин сыахпытыгар 60-ча кэмпилиэк оҥоһулла сылдьар. Үрүсээкпит таһыгар сахалыы алгыс тыллаах. Бу тыллары бэйэм сааһылаабытым. Ону «Офсет” тэрилтэ бэчээккэ түһэрэн биэрдэ. Бастаан тигэн саҕалыырбытыгар улахан үөрүйэхпит суоҕа. Билигин үөрэнэн түргэммит. Инньэ гынан, тигэр арааспыт элбээн кэмпилиэктэри бэлэмниир буоллубут. Бэлиэтээн этэр буоллахха, матырыйааллары атыылаһарбытыгар мэдиссиинэ үлэһиттэрэ спонсордыыллар. Ол курдук, 1 №-дээх инфекционнай балыыһа 100 тыһыынча солкуобайы ыыппыта. Ону таһынан, өссө 100 тыһыынчаны 1 №-дээх поликлиника салайааччыта Алевтина Эверстова ыытта. Биһиги бэйэбит счеппут суох, онон маҕаһыыннарга сылдьан сөптөөх матырыйааллары ыллахпытына, счет нөҥүө төлүүллэр. Билигин сыахпытыгар сэттэ иистэнэр массыына тохтоло суох тигинэччи үлэлиир. Түгэнинэн туһанан күннэтэ үлэлиир, иистэнэр волонтердарбар махталбын тиэрдэбин.
Арина кыра оҕо ытыырыттан уһугунна. Арай өндөс гынан көрбүтэ, үстээх уола, алталаах кыыһа муостаҕа тохтубут…
Сай ортото буолла. Үгүс киһи уоппуска ылан ким оттуу, отоннуу, ким муораҕа сөтүөлүү тарҕаһар кэмэ…
2024 сыл тохсунньутугар Сунтаар улууһун Элгээйи сэлиэнньэтигэр быраас амбулаторията үөрүүлээх быһыыга-майгыга үлэҕэ киллэриллэн, 1,5 тыһыынчаттан…
Улуу Кыайыы 80 сылынан уоттаах сэрии толоонугар, ыраах тыылга да бэйэлэрин олохторун кэрэйбэккэ сэриилэһэн, охтон…
Кэлиҥҥи сылларга өрөспүүбүлүкэ оскуолаларыгар урбаан кииннэрэ тэриллэн, оскуола оҕолоро сувенир оҥоруутуттан саҕалаан, түргэнник ситэр салааны…
Саха сиригэр ханна даҕаны өрүс суола аһыллан, айан-сырыы үксээтэ. Айан хаһан даҕаны чэпчэки буолбат. Сыана…