Ил Түмэн сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ Сахамин Афанасьев Бойобуой дьайыылар бэтэрээннэрин ассоциациятын бэрэссэдээтэлэ Иван Черкашинныын көрүстэ.
Кэпсэтии чуолаан, Украина, ДНӨ, ЛНӨ сиригэр-уотугар анал байыаннай эпэрээссийэ кыттыылаахтарыгар өйөбүл миэрэлэр тустарынан буолла.
Иван Черкашины кытары көрсүһүүгэ СӨ экология, айылҕа харыстабылын уонна ойуур хаһаайыстыбатын миниистирин солбуйааччы Николай Додохов, Булт хаһаайыстыбатын уонна ураты харыстанар сирдэр департаменын салайааччытын солбуйааччы Анатолий Попов, ассоциация бэрэссэдээтэлин солбуйааччы Николай Мартынов кытыннылар.
Бүгүн, анал байыаннай дьайыыларга сылдьыбыт биир дойдулаахтарбыт үгүстэрэ туруоруллубут соруктары, чиэһинэйдик уонна дьоһуннаахтык толорон дьиэлэригэр төннөн эрэллэрин, кинилэри реабилитациялыыр наадатын туһунан эттилэр. Саллааттары мэдиссиинэ өттүнэн реабилитациялааһын, биллэн турар, былааннаахтык барар.
Саха киһитин сиэринэн, эр киһи айылҕаҕа сылдьан, тулалыыр эйгэни кытары алтыһан, бултаан-алтаан чөлүгэр түһүөҕүн, онно бары бииргэ үлэлээн, усулуобуйа оҥорорбут көмөлөөх буолуоҕа диэн санаатын Иван Черкашин тириэртэ. Сис кэмитиэт бэрэссэдээтэлэ Сахамин Афанасьев Иван Черкашин этиитин өйөөн, тустаах министиэристибэни кытары кыыллары аһатыыга, сайыҥҥы кэмҥэ ойууру баһаартан харыстааһыҥҥа, бултааһыны кэтээн көрүү эриэйдэлэригэр общественнай иниспиэктэрдэр быһыытынан, ыытар тэрээһиннэргэ сылдьалларыгар сөбүлэһиини түһэрсэн үлэлииллэригэр сорудахтаата.
Онуоха СӨ экология, айылҕа харыстабылын уонна ойуур хаһаайыстыбатын миниистирин солбуйааччы Николай Додохов бииргэ үлэлээһиҥҥэ бэлэмин биллэрдэ уонна сотору кэминэн туһааннаах сөбүлэһии бырайыага бэлэм буолуо диэн эттэ.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…