Байыаннай кэрэспэдьиэннэр байыаһы көрүстүлэр

«Саха»НКИХ байыаннай кэрэспэдьиэннэрэ Олег Колесов уонна Илья Жараев «Тугунок» диэн позывнойдаах Саха сирин байыаһын көрүстүлэр.

— Манна ыам ыйын 12 күнүгэр кэлбиппит. Штурмалааччы буоламмыт, үчүгэйдик бэлэмнииллэр. Ол курдук, тактикаҕа эҥин. Элбэхтик ытыалыыр сиргэ сырыттыбыт. Хараҥа кэми туһанан түүҥҥү дьарыктары ыыталлар. Тирэх пууннары ылыыга хайдах дьаһанарга үөрэтэллэр, инженернэй бэлэмнээһиҥҥэ болҕомто ууруллар, — диэтэ байыас байыаннай кэрэспэдьиэннэргэ.
Санаата бөҕөх, бэлэмнээх буолан бэйэтигэр эрэллээх.