Байыаннай кэрэспэдьиэннэри кытта көрсүһүү

Бүгүн «Норуот уонна аармыйа — биир сомоҕо» Фашизмы утары пуорум чэрчитинэн, «Арассыыйа — мин устуоруйам» историческай пааркаҕа байыаннай кэрэспэдьиэннэр Ирина Кими, Сергей Гелашвилины кытта «СВО. Взгляд изнутри» диэн тиэмэҕэ кэпсэттилэр.

Тэрээһиҥҥэ «Бастакылар хамсааһыннара» түмсүү, култуура, искусство, түмэллэр, СӨ кинематографистарын сойууһун бэрэстэбиитэллэрэ, психологтар уонна «Сахамедиа» РИИХ байыаннай кэрэспэдьиэннэрэ кыттыыны ыллылар. Кэпсэтиини ыраахтан кэлбит ыалдьыттары сэргэ «Сахамедиа» РИИХ байыаннай кэрэспэдьиэнэ Николай Борисов үүннээн-тэһииннээн ыыттылар.
Эҕэрдэ тылы Илиҥҥи байыаннай уокурук байыаннай-бэлитиичэскэй отделын агитацияҕа, пропагандаҕа отделениетын офицера Ирина Ким: «Биһиги сүрүн сыалбыт кырдьыгы кэпсээһин, көрдөрүү буолар. Байыаннай дьайыыга сыһыаннаах кинигэлэрбитин аҕаллым. Баар балаһыанньаны сиһилии кэпсиэм. Ыйытыыларгытыгар хоруйдуом», — диэн эттэ.

Ыраахтан кэлбит байыаннай кэрэспэдьиэннэр чуолаан инники кирбиигэ сылдьан тугу көрбүттэрин, балаһыанньа хайдаҕын сиһилии кэпсээтилэр. Ыйытыыларга хоруйдаатылар.