Салгыы
Байыаннай психолог Саха сирин быраастарын үөрэтэр

Байыаннай психолог Саха сирин быраастарын үөрэтэр

09.04.2023, 09:30
Хаартыска: www.sakha.gov.ru
Бөлөххө киир:

Дьокуускайдааҕы психоневрология диспансера байыаннай эпэрээссийэ кыттыылаахтарын доруобуйаларын чөлүгэр түһэрэргэ мэдиссиинискэй-психологическай ньымаларга психотерапевтары уонна мэдиссиинискэй психологтары бэйэтин базатыгар үөрэтэр.

Маннык үөрэҕи ыытар туһунан санаа психоневрология диспансерын кылаабынай бырааһа Туйаара Решетниковаҕа өссө былырыын Ростов-на-Дону байыаннай госпиталыгар оробуочай командировкаҕа сырыттаҕына киирбитэ.
Туйара Семеновна Чечня сэриитигэр, Сирияҕа Арассыыйа байыаннай эпэрээссийэтигэр үлэлээбит үөрүйэхтээх байыаннай психолог Татьяна Фаттахованы кытары билсибитэ. Кини үлэлиир ньыматын билэн-көрөн баран, туһалаах үөрүйэҕи ылар баҕа санаата батарбатаҕа.

Хаартыска: психоневрология диспансерын пресс-сулууспата

Татьяна Ивановна биһиги быраастарбытыгар уонна психологтарбытыгар үөрэх ыытарга сөбүлэспититтэн олус үөрбүппүт. Кини киэҥ билиитэ уонна быраактыкаҕа уопута биһиги исписэлиистэрбитигэр олус наадалаах. Кинилэр үгүстэрэ байыаннай дьайыыларга сылдьыбыт, а.э. наар куттанар, долгуйар, утуйар уулара кэһиллэр уо.д.а. стресстээх дьону кытары үлэлиир үөрүйэхтэрэ суох. Доруобуйаларын чөлүгэр түһэринээччилэргэ ураты сыһыан уонна ураты мэдиссиинискэй-психологическай реабилитация наада, -– диэн Туйаара Семеновна кэпсээтэ.
Видео-кэмпириэнсийэ көмөтүнэн ыытыллар үөрэххэ билигин отуттан тахса психотерапевт уонна мэдиссиинискэй психолог (ол иһигэр, өрөспүүбүлүкэ улуустарыттан) үөрэнэр. Үөрэх кууруһа өссө биир ый устата буолуоҕа.
Үөрэҕи тэрийээччилэр үөрэх кэнниттэн байыаннай эпэрээссийэ кыттыылаахтарын доруобуйаларын чөлүгэр түһэрэр өҥө өссө үрдүк таһымнаах уонна хаачыстыбалаах буолуоҕар эрэнэллэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
14 июня
  • 10°C
  • Ощущается: 10°Влажность: 81% Скорость ветра: 1 м/с

Сообщить об опечатке

Текст, который будет отправлен нашим редакторам: