Хаартыска: www.sakha.gov.ru
Дьокуускайдааҕы психоневрология диспансера байыаннай эпэрээссийэ кыттыылаахтарын доруобуйаларын чөлүгэр түһэрэргэ мэдиссиинискэй-психологическай ньымаларга психотерапевтары уонна мэдиссиинискэй психологтары бэйэтин базатыгар үөрэтэр.
Маннык үөрэҕи ыытар туһунан санаа психоневрология диспансерын кылаабынай бырааһа Туйаара Решетниковаҕа өссө былырыын Ростов-на-Дону байыаннай госпиталыгар оробуочай командировкаҕа сырыттаҕына киирбитэ.
Туйара Семеновна Чечня сэриитигэр, Сирияҕа Арассыыйа байыаннай эпэрээссийэтигэр үлэлээбит үөрүйэхтээх байыаннай психолог Татьяна Фаттахованы кытары билсибитэ. Кини үлэлиир ньыматын билэн-көрөн баран, туһалаах үөрүйэҕи ылар баҕа санаата батарбатаҕа.
– Татьяна Ивановна биһиги быраастарбытыгар уонна психологтарбытыгар үөрэх ыытарга сөбүлэспититтэн олус үөрбүппүт. Кини киэҥ билиитэ уонна быраактыкаҕа уопута биһиги исписэлиистэрбитигэр олус наадалаах. Кинилэр үгүстэрэ байыаннай дьайыыларга сылдьыбыт, а.э. наар куттанар, долгуйар, утуйар уулара кэһиллэр уо.д.а. стресстээх дьону кытары үлэлиир үөрүйэхтэрэ суох. Доруобуйаларын чөлүгэр түһэринээччилэргэ ураты сыһыан уонна ураты мэдиссиинискэй-психологическай реабилитация наада, -– диэн Туйаара Семеновна кэпсээтэ.
Видео-кэмпириэнсийэ көмөтүнэн ыытыллар үөрэххэ билигин отуттан тахса психотерапевт уонна мэдиссиинискэй психолог (ол иһигэр, өрөспүүбүлүкэ улуустарыттан) үөрэнэр. Үөрэх кууруһа өссө биир ый устата буолуоҕа.
Үөрэҕи тэрийээччилэр үөрэх кэнниттэн байыаннай эпэрээссийэ кыттыылаахтарын доруобуйаларын чөлүгэр түһэрэр өҥө өссө үрдүк таһымнаах уонна хаачыстыбалаах буолуоҕар эрэнэллэр.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…