Байыаннай сулууспаҕа хантараагынан ылыы салҕанар

Саха сиригэр Арассыыйа Сэбилэниилээх күүстэрин аттаран туруоруу үлэтэ салҕанар.

«Байыаннай сулууспаҕа хантараагынан барарга быһаарыммыт дьон олохтоммут ирдэбиллэргэ сөп түбэһиэхтээхтэр: 18 саастарын туолбут, үчүгэй доруобуйалаах буолуохтаахтар. РФ Оборонаҕа министиэристибэтин кытары хантараагы түһэрсии кэнниттэн  1 мөлүйүөн 400 тыһыынча суумалаах биир кэмнээх төлөбүр (400 тыһыынча – РФ Оборонаҕа министиэристибэтиттэн, 900 тыһыынча Саха Өрөспүүбүлэкэтиттэн) уонна  муниципальнай тэриллиилэртэн эбии төлөбүрдэр оҥоһуллаллар”, — диэн сүүмэрдиир пуун иһитиннэрэр.

Харчынан төлөбүрү таһынан, атын социальнай мэктиэлэр эмиэ бааллар. Холобур, үрдүк үөрэх кыһаларыгар миэстэ көрүллэр, байыаннай сулууспалаахтар-байыаннай эпэрээссийэ кыттыылаахтарын оҕолоро оҕо уһуйааныгар уочарата суох ылыллаллар, доруобуйаны чэбдигирдэр лааҕырдарга  босхо сынньаналлар. Ону таһынан Оборона министиэристибэтин кытары хантараак түһэрсибит дьон 10 мөлүйүөҥҥэ диэри иэстэрэ сотуллуон сөп.

Сиһилии иһитиннэриини саайтка билсиэххэ сөп: службапоконтракту14.рф  эбэтэр суукканы быһа үлэлиир төлөпүөннэринэн:8 (4112) 32-10-40, 8 (924) 166-13-93. Ону сэргэ сүүмэрдиир биир кэлим кииннэргэ тиийиэххэ сөп: Дьокуускай куорат,  Сэргэлээх шоссетын 11 км. 1; Нерюнгрига  – Чурапчинскай уул, 33. 3 куорпус; Мииринэйгэ  –  40 лет Октября уул. 26.

Кииннэр бары өрөбүлэ суох  09:00-18:00 чч. үлэлииллэр.

Өрөспүүбүлүкэ ыраах сытар улуустарын олохтоохторо хантараагынан байыаннай сулууспаҕа барыы боппуруостарынан олорор сирдэринэн байыаннай комиссариаттарга эбэтэр нэһилиэнньэлээх пуун дьаһалтатыгар кэлиэхтэрин сөп.