Байыаннай сулууспаҕа дьону сүүмэрдиир пууннар «биир түннүк» көрүҥүнэн үлэлииллэр

Дьокуускайга, Нерюнгрига уонна Мииринэйгэ хантараагынан байыаннай сулууспаҕа дьону сүүмэрдиир пууннар «биир түннүк» көрүҥүнэн үлэлииллэр: хандьыдааттар биир күн иһигэр бары тэрээһиннэри ааһыахтарын сөп.

«Киин исписэлиистэрэ «биир түннүк» схеманан үлэлииллэр. Манна байыаннай-быраас хамыыһыйата үлэлиир, хандьыдааттар мэдиссиинэ көрүүтүн уонна психологтар консультацияларын ааһаллар. Күн бүтүүтэ түмүк таһаарыллар. Онно кини ханнык байыаннай чааска сулууспалыан баҕарарын уонна идэтин быһаарсаллар», — диэн алтынньы 10 күнүгэр Дьокуускайга байыаннай сулууспаҕа талар пуун брифинигэр кэпсээтилэр.

Дьокуускай, Нерюнгри уонна Мииринэй куораттарга сүүмэрдиир пууннар 09:00 чаастан 18:00 чааска диэри өрөбүлэ суох бу аадырыстарынан үлэлииллэр:

• Дьокуускайга – Чепалов уул., 23 дь., уонна Сэргэлээхтиир шоссе 11-с км, 1;
• Нерюнгрига – Чурапчинскай уул., 33, 3-с куорпус;
• Мииринэйгэ – Октябрьская 40 лет уул., 26 дь.

Ону таһынан, олорор сиринэн байыаннай комиссариатка уонна дьаһалтаҕа тиийиэххэ сөп.

Бэйэҕитигэр маннык докумуоннары илдьэ сылдьыахтааххыт: пааспар; СНИЛС; ИНН; үөрэх туһунан докумуон; байыаннай билиэт; кэргэн буолбут туһунан уонна оҕолор төрөөбүттэрин туһунан сибидиэтэлистибэлэр (баар буоллахтарына).

Санатан эттэххэ, байыаннай сулууспаҕа киирээччилэргэ биир кэмнээх төлөбүрдэр оҥоһуллаллар, уопсай суумата 2 мөл. 600 тыһ. солкуобайтан саҕаланар, ол иһигэр:  1 мөлүйүөн 800 тыһыынча солкуобай – Саха Өрөспүүбүлүкэтиттэн; 400 тыһыынча солкуобай – РФ Оборуона министиэристибэтиттэн. Ону таһынан муниципальнай тэриллиилэртэн төлөбүрдэр бааллар — кээмэйдэрэ 400 тыһыынча солкуобайтан саҕаланар.

Эбии информацияны сүүмэрдиир кииннэртэн, байыаннай комиссариаттартан эбэтэр бу саайтан: яконтракт14.рф билсиэххэ сөп, ону таһынан маннык төлөпүөннэринэн: 8 (4112) 32-10-40, 8 (924) 166-13-93.