Байыаннай сулууспаҕа мобильнай пуун Илин эҥэр улуустарыгар үлэлиэҕэ

Саха сиригэр хантараагынан сулууспаҕа мобильнай пуун Илин эҥэр улуустарыгар үлэлиэҕэ. Бу туһунан бүгүн, от ыйын 11  күнүгэр,  хантараагынан байыаннай сулууспаҕа Дьокуускайдааҕы сүүмэрдиир пуун инструктора, старшай прапорщик Алексей Колесов иһитиннэрдэ.

Кини бэлиэтээбитинэн, бастатан туран, мобильнай пуун Мэҥэ Хаҥалас улууһугар үлэлиэҕэ. Былаан быһыытынан уопсастыбынньыктары кытта көрсүһүү, олохтоох нэһилиэнньэни уонна дьаһалтаны кытта кэпсэтии ыытыллыаҕа.

«Мобильнай пуун инструктордара нэһилиэнньэҕэ информацияны миэстэтигэр тиэрдэллэр. Ол курдук байыаннай сулууспаҕа киирии ирдэбиллэрин, социальнай чэпчэтиилэр тустарынан бары ыйытыылары 8 (4112) 32-10-40 нүөмэргэ эрийэн билсиэххэ сөп. Эбэтэр сайаапканы службапоконтракту14.рф сайтка хаалларыахха сөп», — диэтэ Алексей Колесов.