Саха сириттэн байыаннай сулууспаҕа сылдьар дьон бырааптарын көмүскээһиҥҥэ туох үлэ барарын тула СӨ Киһи быраабыгар Боломуочунайа Сардаана Гурьева хаһыат ааҕааччыларыгар тус санаатын үллэһиннэ.
— Саха сириттэн байыаннай эпэрээссийэҕэ ыҥырыллан сулууспалыыр дьоммут бырааптарын көмүскээһиҥҥэ үлэбит салҕана турар. Кинилэртэн биһиэхэ киирэр араас хабааннаах көрдөһүүлэринэн бары туһааннаах уорганнары кытта бииргэ үлэлиибит.
Ааспыт сыл сэтинньитигэр СӨ Киһи быраабыгар Боломуочунайын аатыгар гр. А.-тан байыаннай сулууспалаахха көрүллэр харчынан төлөбүр бэриллибэтин туһунан үҥсүү киирбитэ. Байыаннай чаас дуоһунастаах салайааччыларын өттүттэн сөптөөх дьаһал ылыллыбатаҕын түмүгэр байыаннай сулууспалаах бырааба кэһиллибит этэ. Ол иһин СӨ Киһи быраабыгар Боломуочунайын аатыттан Илиҥҥи байыаннай уокурук байыаннай борокуоругар ити туһунан сайабылыанньа оҥоһуллубута.
Борокуор бэрэбиэркэтин түмүгүнэн Илиҥҥи байыаннай уокурукка уонна 29506 №-дээх байыаннай чаас хамандыырыгар сокуону кэһиини туораталларыгар уонна буруйдааҕы дуоһунаһыттан уһуларга этиилээх ирдэбил сурук ыытыллыбыта. Ону толоруу түмүгэр старшай ааппыһыар дуоһунаһыттан уһуллубута, байыаннай сулууспалаах ылыахтаах төлөбүрэ олохтоммут бэрээдэк быһыытынан толору бэриллибитэ.
Байыаннай эпэрээссийэ ыарахан, уустук усулуобуйатыгар сулууспалыыр байыаннайдарбыт бырааптарын араҥаччылааһыҥҥа биһиги дириҥ эппиэнэспитин өйдүүбүт, ол туһугар үлэбит күннэтэ салҕанар.
Бүгүн, ыам ыйын 16 күнүгэр, саха литературатын устуоруйатыгар киирэр дьоһуннаах тэрээһин П.Ойуунускай аатынан Литература түмэлигэр…
Ыам ыйын 19 күнүгэр Дьокуускай куорат олохтоохторо «ЗаБег.РФ» Бүтүн Арассыыйааҕы полумарафоҥҥа кыттыахтарын сөп. Тэрээһин күнүс…
ИДьМ 2 №-дээх полициятын оперативниктара киин куоракка рестораны уоттуу сатаабыт 33 саастаах дьахтар буоларын быһаардылар.…
СӨ Дьарыктаах буолууга судаарыстыбаннай кэмитиэтэ анал байыаннай дьайыы кыттыылаахтарыгар уонна кинилэр дьиэ кэргэттэригэр анаан Кэлим…
РФ Бэрэсидьиэнэ Владимир Путин КНӨ бэрэссэдээтэлэ Си Цзиньпин ыҥырыытынан Кытай Норуодунай Өрөспүүбүлүкэҕэ икки күннээх судаарыстыбаннай…
Бэс ыйын 20 күнүттэн орто анал, үрдүк үөрэх тэрилтэлэригэр үөрэххэ ылыы саҕаланар. Быйыл тус сыаллаах…