Хаартыска PxHere саайтан ылылынна
Байыаннай сулууспалаах счетуттан 1,8 мөл. солк. уорбуттара билиннэ.
Горнай оройуонун полициятыгар олохтоох дьахтартан сайабылыанньа киирбит. Ол курдук кини бииргэ төрөөбүт байыаннай сулууспалаах быраатын каартатыттан 1,8 мөл. солк. кэриҥэ уурунуу харчыта сүппүт.
Полицейскайдар быһаарсан билбиттэрэ, эр киһи эдьиийигэр ыйга 20 тыһ. солк. устууга лимииттээх эбии каартатын биэрбит. Дьахтар банкомакка каартаҕа төһө харчы баарын өрүү бэрэбиэркэлиир эбит. Атырдьах ыйын саҥата бэрэбиэркэлээбитэ, харчыны уорбуттара биллибит.
Туһааннаах түбэлтэнэн РФ Холуобунай кодексын 158 ыст. 4 ч. «б» пуунунан холуобунай дьыала көбүтүллүбүт.
Холуобунай ирдэбил управлениетын үлэһиттэрэ суһал-ирдиир үлэ кэмигэр Хабаровскай куоракка командировкаҕа сылдьан, уорууга уорбаланар урут сууттана сылдьыбыт 30 саастаах туһааннаах кыраай олохтооҕун туппуттар.
Ол курдук уорбаланааччы эмсэҕэлээччини кытта билсэр эбит. Онон уоруйах эр киһи мобильнай төлөпүөнүн туһанан, онлайн-бааныгар киирэн, билэр дьонун счеттарыгар харчыны ыыппыт. Инньэ гынан уорбут харчытынан кирэдьиитин саппыт, иэстэрин төлөөбүт уонна хаалбыт харчынан бэйэтин наадатыгар туһаммыт.
Эр киһи силиэстийэ кэмигэр уорбут сорох харчытын төннөрбүт.
Дьахтар силиэдэбэтэлгэ уонна холуобунай ирдэбил үлэһиттэригэр суһаллык уорууну арыйбыттарыгар махтаммытын туһунан Ис дьыала министиэристибэтин пресс-сулууспата иһитиннэрдэ.
“Анаабыр уоттара” хаһыат иһитиннэрбитинэн, Хотугу эргимтэҕэ маннык түбэлтэ сэдэх буолара. Атырдьах ыйын 18 күнүгэр Анаабыр…
Екатеринбург куоракка боксаҕа Арассыыйа чөмпүйэнээтэ түмүктэннэ. Саха сирин сүүмэрдэммит хамаандатын икки боксера Михаил Прокопьев (48 кг)…
Саха сиригэр байыаннай дьайыы бэтэрээннэрин өйүүр үлэ тиһиктээхтик ыытыллар. “Дойдуну көмүскээччилэр” пуонда салаата байыаннай дьайыы…
Арассыыйаҕа роботтар кыргыһыыларын норуоттар икки ардыларынааҕы бастакы сүүмэрдиир чөмпүйэнээтэ ыытыллыаҕа. Чөмпүйэнээт сыала-соруга - аныгы технологиялары…
Саха сирин үрдүнэн атырдьах ыйын 21-29 күннэригэр РФ Судаарыстыбаннай былааҕын күнүгэр анаммыт араас тэрээһиннэр ыытыллыахтара.…
СӨ Атыы-эргиэн, бырамыысыланнай палатата Дьокуускай куорат дьаһалтатын өйөбүлүнэн, балаҕан ыйын 13 күнүгэр "Этноран Якутия" маассабай…