Байыаннай сулууспалаахтар, уоппускаҕа эбэтэр эчэйиини ылан кэлээччилэр, 122 нүөмэргэ 1 кунуопканы баттаан көмө боппуруоһун чопчулаһан эрийиэхтэрин сөп. Бу туһунан эрэгийиэннээҕи 122 “суһал лиинийэни” салайар Мария Винокурова иһитиннэрдэ. Кини быстах кэмнээх хомуур саҕаланыаҕыттан 28 тыһ.тахсата төлөпүөнүнэн эрийбиттэрин бэлиэтээтэ.
“Билигин төлөпүөнүнэн эрийии биллэ кыччаата. Маннык көстүү Арассыыйаҕа барытыгар бэлиэтэнэр. Билигин хааччыйыы, байыаннай сулууспалаахтар дьиэ кэргэттэригэр өйөбүл миэрэлэрин, хайдах доброволец буолуохха сөбүн туһунан, о.д.а. ыйытыылар киирэллэр. Биһиэхэ өрөспүүбүлүкэттэн көмөнү ылбыт ыччаттар эрийэллэр”, — диир Мария Винокурова.
122 сулууспаны салайааччы иһитиннэрбитинэн, “суһал лиинийэнэн” байыаннай сулууспалаахтар пилота суох көтөр аппарааттары салайарга үөрэнэргэ “Центр Беспилотных Систем имени В. Жоги” сайаапкаланыахтарын сөп. Үөрэтии 2023 сылга тохсунньу-олунньу ыйдарга былааннанар.
“Кууруска суруйтарыы боппуруостарынан, маны сэргэ, Москваҕа СӨ Бастайааннай бэрэстэбиитэлистибэтигэр Биир ситим сүрүннүүр кииҥҥэ эрийиэхтэрин, эбэтэр биһиги лиинийэбитинэн 122 нүөмэргэ 1 кунуопканан эрийэн чопчулаһыахтарын сөп. Бэйэҕит дааннайгытын, сибээстэһэр нүөмэргитин хааллараҕыт. Бу Москваҕа СӨ Бастайааннай бэрэстэбиитэлистибэтигэр ыытыллар”, — диэн быһаарар Мария Винокурова.
Хантараагынан уонна доброволеһынан сулууспалааһын туһунан ыйытыылар эмиэ киирэллэр. Манна Дьокуускай к., Чепалов уул. 23, 7 (4112) 32‒10‒40 төлөпүөнүнэн эрийэн, эбэтэр олорор сиргитинэн байыаннай комиссариаттан ыйыталаһыаххытын сөп. Доброволеһынан барыан баҕалаахтар ыстаапка: Дьокуускай к., Халтурин уул. 31, бэнидиэнньиктэн бээтинсэҕэ диэри 10:00-17:00 ч. билсиэхтэрин сөп.
СӨ Ил Дархан уонна Бырабыыталыстыба пресс-сулууспата
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…
Арассыыйа Бэрэсидьиэнэ Владимир Путин пресс-кэмпириэнсийэни кытта холбоммут быһа сибээс кэмигэр дьиэ кэргэни өйөөһүҥҥэ улахан болҕомтону…