Байыаннай сулууспалаахтар хат кэргэттэригэр босуобуйа төлөнөр

Аҕа дойдуну көмүскээччилэр хат кэргэттэригэр анал  босуобуйа төлөнөр. Хайдах ылыахха сөбүй?

Аармыйаҕа ыҥырыллан сулууспалыыр уонна үөрэх тэрилтэтин байыаннай кафедратыгар, эбэтэр, байыаннай училище,  бастакы кууруһугар үөрэнэр киһи хат кэргэнэ анал босуобуйаны ылар.

2025 сылга босуобуйа кээмэйэ 42 665 солкуобайга (Уһук Хоту улуустарыгар оройуон коэффициена эбиллэр) тэҥнэһэр. Сыл аайы индексацияланар.

Босуобуйаны 180 күнтэн элбэх күннээх хат буолууга биэрэллэр.

Сайабылыанньаны «Госуслуги» портал нөҥүө, эбэтэр, Социальнай пуондаҕа, Элбэх өҥөнү оҥорор кииҥҥэ баран, биэриэххэ сөп.