Быйыл Сунтаар улууһун Кэмпэндээйитигэр баар «Сир уустара» чэбдигирдэр-үөрэтэр кииҥҥэ байыаннай эпэрээссийэҕэ сылдьар сулууспалаахтар оҕолоро (80 оҕо) босхо сылдьан сынньаныахтара.
Ил Дархан Айсен Николаев быһачча сорудаҕынан быстах хомуурга ыҥырыллыбыттар уонна байыаннай дьайыыга сылдьааччылар оҕолорун сынньалаҥнарын «Ыччат» өрөспүүбүлүкэтээҕи ресурснай киинэ тэрийиэҕэ. «Сир уустара» кииҥҥэ былырыын сэтинньиттэн байыаннайдар оҕолоро сылдьан дьарыктанан саҕалаабыттара. Былырыын сэтинньигэ байыаннай эпэрээссийэҕэ сылдьыбыт дьон 7 оҕото сылдьан сынньаммыта. Босхо путевканы ылыыга төрөппүт сайабылыанньа биэриэхтээх. Сайабылыанньаны элбэх хайысхалаах кииҥҥэ эбэтэр e-yakutia.ru. судаарыстыбаннай өҥө порталынан бэриллэр. «Сир уустара» киин Кэмпэндээйигэ баар бадараанынан эмтиир санаторий баазатыгар тэриллибит. Оҕолор манна доруобуйаларын туругун бөҕөргөтүнүөхтэрэ, араас хабааннаах эмтэниини ааһыахтара. Күҥҥэ биэстэ аһыахтара. Ону тэҥэ, ыллыырга, уһанарга үөрэниэхтэрэ, спортивнай араас хабааннаах эрчиллиилэргэ сылдьан дьарыктаныахтара.
Санатар буоллахха, былырыын 413 оҕо Сунтаарга, Бүлүүгэ, Үөһээ Бүлүүгэ, Ньурбаҕа, Горнайга уонна Дьокуускай куоракка баар лааҕырдарга, кииннэргэ сынньаммыттара. Быйыл маннык хабааннаах тэрээһиҥҥэ 520 оҕо кыттара былааннаныллыбыт.
Орто Халыма улууһун Хатыҥнаах нэһилиэгин олохтоохторо, төһө да хаар уулла илик буоллар, бүгүҥҥү бырааһынньыктарын "Дорообо,…
Бүгүн Горнай улууһун Бэрдьигэстээҕэр Эйэ, Үлэ, Маай бырааһынньыгын күнүгэр үлэ кэлэктииптэрин икки ардыларыгар үлэ күрэҕэ…
Бүгүн, ыам ыйын 1 күнүгэр, киин куоракка "Дорообо, Күөх Маай!" диэн бырааһынньыктааҕы үөрүүлээх тэрээһиннэр буола…
Ыам ыйын 15 күнүттэн Арассыыйаҕа саҥа сокуон олоххо киириэҕэ. Ол курдук, сураҕа суох сүппүт дьон…
Муус устар 27-28 күннэригэр Калининградка 15 саастарыгар диэри саастаах дзюдоистарга Арассыыйаҕа бастыыр иһин күрэхтэһии ыытылынна.…
Ил Дархан Айсен Николаев сорудаҕынан, "Бочуоттаах настаабынньык" диэн судаарыстыбаннай наҕараада олохтонно. Үлэ, социальнай сайдыы министиэристибэтэ…