Байыаннай сулууспалаахтар оҕолоругар анал истипиэндьийэ төлөнөр

Байыаннай сулууспалаахтар устудьуон оҕолоругар анал истипиэндьийэ төлөнөр. Ол курдук, бүгүҥҥү туругунан, 350 устудьуоҥҥа истипиэндьийэ төлөнөр.

Ил Дархан Айсен Николаев ыйааҕынан быстах хомуурга ыҥырыллыбыт дьон, анал байыаннай дьайыы кыттааччыларын дьиэ кэргэттэригэр көмө миэрэлэрэ олохтоммуттара. Үөрэх, наука миниистирин бастакы солбуйааччы Алевтина Аргунова кэпсээбитинэн, өрөспүүбүлүкэҕэ 350 устудьуоҥҥа анал истипиэндьийэ олохтоммут диэн СИА суруйар.

— Ил Дархан ыйааҕынан, үөрэх, наука министиэристибэтин хайысхатынан биэс көмө миэрэтэ оҥоһуллар. Бу чэрчитинэн, үрдэтиллибит истипиэндьийэни 350 устудьуон ыла сылдьар. Маннык истипиэндьийэни орто анал үөрэх кыһаларын уонна өрөспүүбүлүкэ тас өттүгэр үөрэнэр устудьуоннар эмиэ ылаллар. Бүгүҥҥү күҥҥэ тыһыынчаттан тахса оҕо уһуйаан төлөбүрүттэн босхоломмута, — диэн миниистири солбуйааччы кэпсээтэ.