Хаартысака: СӨ Ил Дарханын уонна Бырабыыталыстыбатын пресс-сулууспата
Саха сиригэр байыаннай дьайыы кыттыылаахтарын 689 төрөппүтэ санаторийга-курортка эмтэммитин туһунан Саха сирин бырабыыталыстыбатын бэрэссэдээтэлин солбуйааччы Георгий Степанов бэс ыйын 30 күнүгэр брифиҥҥэ иһитиннэрдэ.
«Саха сиригэр байыаннай сулууспалаахтар Саха сиригэр олорор төрөппүттэригэр санаторий-курорт көмөтүн оҥоруу салҕанар. Өйөбүл бу көрүҥэ үс сыл иһигэр биир төгүл оҥоһуллар”, — диэтэ Георгий Степанов.
Кини иһитиннэрбитинэн, көмө эрэгийиэн сиригэр-уотугар баар санаторийга, профилакторийга эмтэнэргэ харчынан төлөбүр быһыытынан оҥоһуллар. Ону сэргэ Подмосковьеҕа баар “Бэс Чагда” санаторийга путевкаҕа 60 тыһыынча солкуобай бэриллэр.
Ону таһынан Саха сиригэр байыаннай дьайыы кыттыылаахтарыгар уонна кинилэр дьиэ кэргэттэригэр араас хайысхалаах көмө оҥоһуллар. Ол курдук, 185 ыалга олорор дьиэлэригэр гааһы киллэрэргэ үбүнэн көмө оҥоһулунна, 532 киһи байыаннай дьайыы кыттыылааҕа эмтэнэр сиригэр барарыгар харчынан көмөнөн туһанна. Байыаннай дьайыы 1302 кыттыылааҕа уонна кинилэр дьиэ кэргэттэрин 2412 чилиэнэ доруобуйа харыстабылын уонна социальнай хааччыйыы тэрилтэлэригэр доруобуйаларын чөлүгэр түһэрдилэр, 449 киһи дьиэҕэ социальнай хааччыйыы өҥөтүнэн туһанна.
Өйөбүл биир сүрүн хайысхатынан демобилизацияламмыт байыаннай сулууспалаахтар уонна кинилэр дьиэ кэргэттэрин чилиэннэрэ дьарыктаах буолалларын хааччыйыы буолар. Георгий Степанов иһитиннэрбитинэн, үлэ көрдөөн нэһилиэнньэ дьарыктаах буолуутун кииннэригэр 884 киһи, ол иһигэр байыаннай дьайыы 306 кыттыылааҕа уонна дьиэ кэргэттэрин 578 чилиэнэ сырытта. Кинилэртэн 164 киһини идэҕэ үөрэнэргэ, 515 киһини үлэҕэ анаатылар.
СӨ Ил Дарханын уонна бырабыыталыстыбатын пресс-сулууспата
Бүгүн Ньурба улууһугар Чаппанда сэлиэнньэтигэр бааһынай хаһаайыстыбаҕа үлэлиир 1986 с.т. эр киһи сүппүтүн туһунан суруйбуппут.…
Маскировочнай сиэккэ өрөр волонтердар үлэлэрэ өссө судургутуйууһу. Өлүөхүмэ рационализатора бу сырыыга дьахталлар да туһанар кыахтаах…
Айсен Николаев РФ Дьоруойа, РФ Үөрэхтээһиҥҥэ министиэристибэтин иитии, эбии үөрэхтээһин уонна оҕо сынньалаҥын эйгэтигэр судаарыстыбаннай…
Дьокуускайга 25 саастаах суоппар административнай эппиэтинэскэ тардылынна. Ол төрүөтүнэн массыынаҕа олорбут оҕото түннүгүнэн өҥөйө олорбута…
Социальнай пуонда Саха сиринээҕи салаата аармыйаҕа ыҥырыллыбыт байыаннай сулууспалаах оҕотугар ыйдааҕы босуобуйаны төлүүр. Бу…
Уу – тыын боппуруос. «Уу – олох төрдө» диэн мээнэҕэ эппэттэр. Киһи олоҕор уонна аан…