Байыаннай дьайыы кыттыылаахтара уонна кинилэр дьиэ кэргэттэрэ социальнай хантыраагынан туһаналлар
14.09.2023, 18:00
Хаартыска - СӨ Аҕа баһылыгын уонна Бырабыыталыстыба пресс-сулууспата
Бөлөххө киир:
Саха сиригэр социальнай өйөбүлү оҥоруу, доруобуйаны тупсарыы бырагыраамалара салгыы үлэлииллэр.
СӨ Үлэ уонна социальнай сайдыы миниистирэ Елена Волкова брифиҥҥэ иһитиннэрбитинэн, социальнай көмөнү уонна өҥөнү оҥоруу араас хайысханан ыытыллар.
— Ол курдук, байыаннай дьайыыга сылдьыбыт эбэтэр уоппускаҕа кэлбит байыастар Дьокуускай куоракка Рихард Зорге аатынан уулуссаҕа баар өрөспүүбүлүкэтээҕи Доруобуйаны бөҕөргөтөр кииҥҥэ анал бырагырааманан анал эмтэниини ааһаллар. Маны таһынан, байыаннай эпэрээсийэ кыттааччыларын төрөппүттэригэр, кэргэттэригэр эмиэ өйөбүл оҥоһуллар. Оттон оҕолоругар доруобуйаларынан хааччахтаах оҕолор кииннэригэр эмиэ анал бырагырааманан өйөбүл оҥоһуллар.
Оройуоннарга инбэлиит дьону кытта реабилитациялыыр кииннэр эмиэ дьарыктаналлар. Кэлиҥҥи кэмҥэ социальнай хантыраак курдук бэйэ дьыалатынан дьарыктанар дьоҥҥо олус туһалаах өйөбүл көрүҥүнэн үгүс киһи туһанар буолла. Өрөспүүбүлүкэҕэ бүгүҥҥү күҥҥэ социальнай хантыраак көрүҥэр 500 мөл. солкуобай тыырылынна. Ол курдук, 3800 дьиэ кэргэн социальнай хантыраагынан туһана олорор. Кэрэхсэбиллээҕэ баар, үлэ бу көрүҥүнэн байыаннай дьайыы кыттааччыларын дьиэ кэргэттэрэ туһанан эрэллэр. Холобура, биир ыал Дьокуускайга кондитерскай сыах, иккис дьиэ кэргэн — иистэнэр ательены аһан үлэлэтэллэр. Биир байыаннай дьайыы кыттыылааҕа социальнай хантыраагынан бэйэтин психологическай кэбиниэтин аспыта», – диэн бэлиэтээтэ Елена Волкова.
+1
+1
2
+1
+1
+1
+1
+1
Сообщить об опечатке
Текст, который будет отправлен нашим редакторам: