Байыас Александр Федоров дойдутугар кэллэ

Горнай улууһун Бэс Күөл нэһилиэгиттэн сылдьар, дьиҥнээх күүстээх санаа, тулуур бэлиэтинэн буолбут Александр Федоров бүгүн Дьокуускайга кэллэ. Бу туһунан @silatrudagorny суруйар.

Кини устуоруйата Арассыыйа үгүс олохтооҕун долгуппута. Атахха ыараханнык бааһыран баран, 17 күн окуопаҕа сыппыта. Тыыннаах хаалар туһугар, атаҕын быһаҕынан бэйэтэ быспыта. Александр хас да эпэрээссийэни ааһан, билигин  төрөөбүт дойдутугар кэллэ.

Байыаһы аэропорка Бэс Күөлүн дьаһалтатын үлэһиттэрэ, бииргэ сулууспалаабыт уолаттара, биир дойдулаахтара, табаарыстара  көрүстүлэр диэн @silatrudagorny иһитиннэрдэ.

Санатан эттэххэ,  Ил Дархан Айсен Николаев былырыын ахсынньы 12 күнүгэр Москваҕа Н.Н.Бурденко аатынан Сүрүн байыаннай клиническэй госпиталга сылдьан, байыаһы кытта көрсөн кэпсэппитэ.

Айсен Николаев Н.Н. Бурденко аатынан госпиталга эмтэнэр Саха сирин байыастарын көрүстэ