улусмедиа
Байыаннай дьайыы байыаһа Роман Риве “Биир ньыгыл Арассыыйа” баартыйа “Арассыыйа күүһэ” Бүтүн Арассыыйатааҕы марафонун чэрчитинэн “Алмазный путь памяти” патриотическай эстэпиэтэҕэ кытынна.
Саха сирин арҕаа өттүн устуоруйатыгар аан бастаан Айхалтан уонна Удачнайтан бэйэ-бэйэлэригэр утары эстэпиэтэҕэ сүүрэн, “Анаабыр” тыраассатын 60 км тиийдилэр. Хас биирдии кыттааччы 2-лии килэмиэтири сүүрдэ, Кыайыы Знамятын куопуйатын бэрсэн.
Бастакынан сүүрэр быраабы байыаннай дьайыы кыттыылааҕа Роман Риве ылла. Кини – “АЛРОСА билиниитэ” бириэмийэ хаһаайына, Эр бэрдэ” национальнай многоборье уонна волейбол чөмпүйүөнэ.
Айхалтан уонна Удачнайтан сүүрбүт хамаандалар маршруттарын ортотугар көрүстүлэр, онно Кыайыы Знамятын куопуйаларын — 150-с Идрицкэй стрелковай дивизия штурмовой былааҕын чопчу репликатын атастастылар.
Бу эстэпиэтэни Саха сирин судаарыстыбаннай Мунньаҕын (Ил Түмэн) дьокутаата Сергей Домброван тэрийдэ. Хас биирдии кыттааччыга өйдөбүнньүк бэлэх туттарда.
“Бу сүүрүү – Улуу Кыайыы туһунан өйдөбүлү илдьэ сылдьыы. Биһиэхэ эйэни бэлэхтээбит дьон туһунан саныы-саныы хас биирдии килэмиэтири сүүрдүбүт”, — диэтэ Сергей Домброван.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Улусмедиа хаартыската
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…