Байыас, бэйиэт Василий Рожин хоһооннорун ааҕыыга күрэс биллэрилиннэ

Арассыыйаҕа Аҕа дойдуну көмүскээччи, Саха  Өрөспүүбүлүкэтигэр Ийэ  дойдуну көмүскээччи, Улуу Кыайыы 80, Саха суругунан литературата төрүттэммитэ  125 сылларын чэрчитинэн, «Мин хайаан даҕаны хоһооннорбор төннүөм…» диэн Эдэр литератордар сүбэлэрин чилиэнэ, анал байыаннай дьайыы кыттыылааҕа, бэйиэт Василий Рожин сырдык кэриэһигэр аналлаах  кэтэхтэн уус-уран  хоһоон ааҕыы күрэһэ ыытыллар.

Күрэс анал байыаннай дьайыы кыттыылааҕа Василий Рожин айымньыларыттан хоһооннору дорҕоонноохтук ааҕыыга  ананар. Күрэһи Саха сирин суруйааччыларын сойууһун иһинэн үлэлиир Эдэр литератордар сүбэлэрэ тэрийэр.

Күрэс сыала-соруга — өрөспүүбүлүкэ олохтоохторугар эдэр поэт Василий Рожин айымньыларын билиһиннэрии, дойдуга бэриниилээх буолууну, Ийэ дойдуга тапталы иитии, үүнэр көлүөнэҕэ ааҕар талааны, дьоҕуру, уус-уран тылга умсугуйууну сайыннарыы, Саха сирин олохтоохторун айар эйгэҕэ көҕүлээһин, дьоҕурдаах дьону өйөөһүн.

Оскуола уонна эбии үөрэхтээһин тэрилтэтин үөрэнээччилэрэ, улахан дьон кыттыахтарын сөп. Күрэхтэһии сааһынан маннык бөлөхтөргө ыытыллар: 9- 17 саастаахтарга диэри; 18-тан үөһэ саастаахтарга.

Кыттааччылар күрэскэ Василий Рожин хоһооннорун ааҕан, видеоҕа устан ыыталлар. Кыттааччыттан биир видео-хоһоон ирдэнэр. Видео биэс мүнүүтэттэн уһун буолуо суохтаах, сытыары тутуллан уһуллубут буолуохтаах. Сценическай уобарас уонна музыка доҕуһуола көҥүллэнэр. Куолас суруллубутун туһаныы, эбэтэр, атын дьон хос кыттыыта көҥүллэммэт.

Хас биирдии  бөлөххө  үстүү кыайыылаах тахсыаҕа. Дьүүллүүр сүбэ быһаарыытынан эбии анал ааттар иҥэриллиэхтэрэ.

Күрэс 2025 сыл муус устар 8 күнүттэн ыам ыйын 26 күнүгэр диэри ыытыллыаҕа.

Сайаапканы уонна үлэни 2025 сыл ыам ыйын 17 күнүгэр диэри бу электроннай аадырыска туталлар: sml-yakutia@mail.ru

Биир кыттааччыттан 200 солк., бөлөхтөн — 400 солк. ирдэнэр.

Дьүүллүүр сүбэ сыаналыаҕа:

• — Толоруу сатабылын таһымын;
• — Репертуар күрэх тиэмэтин кытта сөп түбэһиитин;
• — Тиэкиһи билиини;
• — Саҥарар этии чуолкайын;
• — Иэйиилээхтик ааҕыыны;
• — Артыыстыыр ​​дьоҕуру (туттан-хаптан туруу, истээччигэ тиэрдии).

Василий Рожин “Уот сүрэх”, “Оставляя белый след”, “Лунный блик” кинигэлэриттэн хоһооннору туһаныаххытын сөп.

Күрэс  түмүгүнэн кыайыылаахтар быһаарыллан ,1,2,3  бириистээх миэстэлэри ылаллар. Кыайыылаахтарга дипломнар, туоһу суруктар уонна өйдөбүнньүк бириистэр туттарыллыахтара.