Хаартыска: Саха сирин Суруйааччыларын сойууһун пресс-сулууспата
Байыаннай дьайыыга баҕа өттүнэн баран сырдык тыынын толук уурбут боотур, «Эр санаа» уордьан, «Хорсунун иһин» мэтээл кавалердара, Н.Д. Неустроев аатынан эдэр суруйааччылар өрөспүүбүлүкэтээҕи бириэмийэлэрин лауреата, Саха сирин Суруйааччыларын сойууһун иһинэн Эдэр литератордар сүбэлэрин чилиэнэ, Дьааҥыттан төрүттээх талааннаах бэйиэт Василий Рожин «Уот сүрэх» уонна «Оставляя белый след» диэн хоһооннорун хомуурунньуктарын сүрэхтэниитэ буолуоҕа.
Саха сирин суруйааччыларын сойууһа бэйиэт суох буолбутун да кэннэ, кинигэлэрин хомуйан, таҥан, бэчээттэтэн таһаарда. Василий сахалыы да, нууччалыы да хоһоон суруйар этэ, онон кинигэлэрэ икки тылынан тахсыбыттара кэрэхсэбиллээх, бэйэтин ааҕааччытыгар тиийиэхтээх.
Эдэр бэйиэт олох, таптал, дьон сыһыанын туһунан бөлүһүөктүү уонна лирикэлии хоһоонноругар эр киһи хоодуот санаата уонна бэйиэт нарын айылгыта алтыһаллар.
«Тыл илбиһэ мээнэ бэриллибэт. Кини киһини эрийэр-мускуйар, араас суолларынан туора-маара хаамтарар, муннарар, тургутар. Ол тургутууну тулуйбакка, аһыы аска охтубуттары, биитэр букатын да суруйартан тэйбиттэри билэтэлиибин. Онон Василий тэһийбэтэх кутун-сүрүн бүтэйдии сэрэйэн, испэр ийэлии сэрэхэчийэ санаабытым… Онтум олох атын арҕааҥҥы тыаллар кинини сөрөөн илдьэ бардылар.
Василий поэт буолар аналын ылыммыт, аналын өйдөөбүт киһи эбит. Ону ол семинарга мэктиэлэммит уонна суох буолбутун кэннэ саҥа күн сирин көрөн эрэр бу кинигэтэ туоһулуур. Баара-суоҕа отут икки эрэ саастаах киһи толкуйдуур санаата, анаарар ыыра киэҥин, уратытын! Кини сүрэҕин нөҥүө аһарбыт түгэннэрин кытта тэҥҥэ саха литературатын историятын ситимэ, норуотун туһунан санаалара, омугун үрдэтэр билиниилэрэ манна бааллар...» диэн саха норуодунай бэйиэтэ Наталья Харлампьева «Уот сүрэх» кинигэ Аан тылыгар суруйбута.
Бэйиэт өлбүтүн да кэннэ, кэннигэр хаалаллар уот сүрэҕин төлөнө, итии илбистээх тыллара, оҕолорун тэҥэ хоһооннор …
«Уот сүрэх үрүҥ суола» сүрэхтэнии тохсунньу 23 күнүгэр күнүс 3 чааска Н.Д. Неустроев аатынан Smart-бибилэтиэкэҕэ буолуоҕа.
ХОЙ Туохха барытыгар санааны уурдахха ситиһии кэлэрин өйдөөҥҥүн, туттумахтаан хаалыаххын наада. Үлэҕинэн үрдүүргэр табыгастаах кэмнэр. Тус…
Бүгүн, ыам ыйын 16 күнүгэр, саха литературатын устуоруйатыгар киирэр дьоһуннаах тэрээһин П.Ойуунускай аатынан Литература түмэлигэр…
Ыам ыйын 19 күнүгэр Дьокуускай куорат олохтоохторо «ЗаБег.РФ» Бүтүн Арассыыйааҕы полумарафоҥҥа кыттыахтарын сөп. Тэрээһин күнүс…
ИДьМ 2 №-дээх полициятын оперативниктара киин куоракка рестораны уоттуу сатаабыт 33 саастаах дьахтар буоларын быһаардылар.…
СӨ Дьарыктаах буолууга судаарыстыбаннай кэмитиэтэ анал байыаннай дьайыы кыттыылаахтарыгар уонна кинилэр дьиэ кэргэттэригэр анаан Кэлим…
РФ Бэрэсидьиэнэ Владимир Путин КНӨ бэрэссэдээтэлэ Си Цзиньпин ыҥырыытынан Кытай Норуодунай Өрөспүүбүлүкэҕэ икки күннээх судаарыстыбаннай…