Хаартыска: sakhagov.ru
Мииринэй оройуонуттан Каширскайдар дьиэ кэргэттэрэ «Семья года 2025» күрэхтэһии оройуоннааҕы түһүмэҕэр биэс бастыҥ иһигэр киирдилэр. Ыал аҕа баһылыга Сергей Михайлович байыаннай эпэрээссийэ бэтэрээнэ.
Сергей Каширскай 2022 сыллаахха мобилизацияламмыта уонна биир кыргыһыыга улаханнык бааһырбыта. Өр кэмҥэ эмтэнэн, реабилитацияланан баран, дьиэтигэр, дьонугар төннүбүтэ. Күрэхтэһии туһунан билэн, Каширскайдар дьиэ кэргэн ыарахан тургутууну ааспыт күүстээх ыал холобурун көрдөрөр сыалтан, кыттарга быһаарыммыттар. “Байыаннай дьайыы кыттыылааҕын дьиэ кэргэнэ” номинацияҕа кыайыылаах буолан, өрөспүүбүлүкэ таһымыгар таҕыстылар.
Дьүүллүүр сүбэ чилиэнэ буолбут «Аҕа дойдуну көмүскээччилэр» пуонда Мииринэй оройуонун салаатын социальнай координатора Жанна Агафонова бары кыттааччылар үрдүк таһымнаах бэлэмнээхтэрин, ону тэҥэ Каширскайдар дьиэ кэргэттэрэ тулуурдаахтарын, түмсүүлээхтэрин бэлиэтээтэ.
«Байыаннай дьайыы кыттыылааҕын дьиэ кэргэнэ» номинацияҕа кыайыы Каширскайдарга өрөспүүбүлүкэтээҕи куонкуруска Мииринэй оройуонун аатын көмүскүүр кыаҕы биэриэҕэ. Билигин кинилэри дьиэ кэргэн сыаннастарын эрэ буолбакка, Аҕа дойдуну көмүскээччилэр дьиэ кэргэттэрин санааларын күүһүн көрдөрөр саҥа түһүмэх күүтэр», — диэн Жанна Агафонова тоһоҕолоото.
Ил Дархан, бырабыыталыстыба пресс-сулууспата.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…