Хаартыска sakha.gov.ru ылылынна
Айсен Николаев байыаннай дьайыы кыттыылааҕын дьиэ кэргэнигэр дьиэлэрин өрөмүөннүүргэ көмөлөһөллөрүгэр соруйда.
Ил Дархан Айсен Николаев Горнайга байыаннай эпэрээссийэ кыттыылааҕын Руслан Павлов дьиэтигэр сырытта, дьонун-сэргэтин көрүстэ. Ыал аҕа баһылыга былырыын мобилизацияҕа ыҥырыллыбыт. Байыаннай эпэрээссийэ буола турар сиригэр сулууспалыыр.
Кэргэнэ Варвара Романовна билигин үлэлээбэт. Ыал үс оҕолоохтор. Уолаттара Василий уонна Георгий — устудьуоннар, кыыстара Татьяна оскуолаҕа үөрэнэр. Павловтар кэтэх дьиэлэригэр олороллор. Варвара Романовна кэргэнин кытта төлөпүөнүнэн сибээстэһэллэрин этэр. Өрөспүүбүлүкэҕэ байыаннай эпэрээссийэ кыттыылаахтарын дьиэ кэргэттэрин өйүүр бары миэрэлэринэн туһаналлар.
Айсен Николаев улуус дьаһалтатыгар бу ыал дьиэлэрин өрөмүөнүгэр уонна байыаннай сулууспалаах кэргэнигэр сылгыны иитиигэ социальнай хантараагы түһэрсэригэр көмөлөһөллөрүгэр соруйда. Маныаха улуус баһылыга Никита Андреев сотору кэминэн бу ыал дьиэтигэр гаас баар буолуоҕун иһитиннэрдэ.
Бүгүҥҥү күҥҥэ байыаннай дьайыы кыттыылаахтарын дьиэ кэргэттэрин кытта үлэ ыытыллар, инники кирбиигэ сылдьар уонна бааһырбыт байыастарга бары өртүнэн көмөлөһөр биир кэлим сүрүннүүр киин үлэлиир.
СӨ Ил Дарханын уонна Бырабыыталыстыбатын пресс-сулууспата
Дьокуускайга тэллэйдии сылдьан муммут ыалы -- икки кыыс оҕолоох аҕаны буллулар. Бу туһунан СӨ Быыһыыр…
Өймөкөөн улууһугар өрүстэр уонна үрэхтэр хааларыттан тахсан, оройуоҥҥа ыксаллаах быһыы-майгы эрэсиимэ биллэрилиннэ. Улуус баһылыга Александр…
Өймөкөөн улууһугар 120-ттэн тахса тиэргэҥҥэ уу киирэн, 70-ча дьиэ ууга барда. Орто Балаҕан, Куйдуһун, Биэрэк…
ХИФУ устудьуона Валерия Непомнящая Дьокуускайга Сайсары күөлгэ оҕолордоох куһу бэлиэтии көрөн, видеоҕа устубут. Валерия хаартыскаҕа…
Бүгүн, от ыйын 16 күнүгэр, сарсыарда СӨ Быыһыыр сулууспатын исписэлиистэрэ Дьокуускайга ойуурга сүппүт эр киһини…
От ыйын 13 күнүгэр Өлүөхүмэ улууһун Чапаево сэлиэнньэтин таһыгар бэлиэтэммит ойуур баһаара бохсуллубутун туһунан баһылык…