Байыас госпитальга сытар уолаттарга көмө оҥордо

Дьон үгүстүк «Своих не бросаем» инбэлииттэр уонна байыаннай дьайыы бэтэрээннэригэр көмөлөһөр пуонда волонтердарыгар эбэтэр үтүө санаалаах дьоҥҥо махтанан суруйаллар, оттон бүгүн мин Виктор диэн саллаакка махтаныахпын баҕарабын (аата уларытылынна) диэн социальнай координатор Ирина Ермолина суруйар.

«Мин кинини Виктор диэн ааттыыбын – суолтата Кыайыылаах диэн. Викторы Белгород куоракка балыыһаҕа көрсүбүтүм. Пуонда патронажнай сиэстэрэтэ Татьяна Виктор баттаҕын кырыйбыт, сэрии, олох, пуонда туһунан кэпсэппиттэр. Ый буолан баран эмискэ Виктортан: «Мин пуондаҕа харчы ыытыахпын баҕарабын. Мин бааһыран госпитальга сытар бырааттарбар көмөлөһүөхпүн баҕарабын» диэн сурук кэллэ. Виктор билигин уоппускаҕа сылдьар. Кини өлбүт табаарыһын, дьиэ кэргэнигэр, аҕата суох хаалбыт 4 оҕоҕо ис сүрэҕиттэн көмөлөһөрүн билэбит. Кини сотору фроҥҥа төннүөҕэ. Байыас пуондаҕа ыыппыт 100 тыһ. солкуобайынан госпиталларга эмтэнэ сытар уолаттарга костыль, кэлээскэ, эмп атыылаһыахпыт. Үтүө санаа күүһэ манна сытар – күүстээх мөлтөххө көмөлөһөр, саннытын тоһуйар уонна илиитин уунар! Үтүө үтүөнэн төлөнөр! Виктор, улахан махтал! Эн үтүө санааҥ, аһыныгас дууһаҥ эйигин аанньал курдук харыстыы, араҥаччылыы сырыттын!».

Үтүө санаа холобурун көрдөрбүт хорсун-хоодуот байыаска социальнай координатор Ирина Ермолина махталын тиэрдэр. Уот сэрии силлиэтин ортотунан ааспыт, өлөрү-тиллэри этинэн-хаанынан билбит буойун, ис дууһатыттан, баҕа санаатынан госпиталларга сытар уолаттарга көмөлөһө сылдьара кэрэхсэбиллээх.