Байыас ийэтигэр материальнай көмө оҥоһулунна

Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут.

Усуйаана улууһун борокуратуурата байыаннай дьайыы кыттыылааҕын ийэтин сайабылыанньатынан бэрэбиэркэни ыытта. Уола ытык иэһин толоро сылдьан, өлбүтүн кэннэ, материальнай көмө оҥоһуллубатах.

Бэрэбиэркэ көрдөрбүтүнэн, Силээннээх нэһилиэгин дьаһалтата анал байыаннай дьайыы кыттыылаахтарын дьиэ кэргэттэригэр материальнай көмөнү олохтуур нуорма-быраап аактатын оҥорботоҕо биллибит.

Борокуруор ирдэбилинэн, нуорма-быраап аактата оҥоһуллан, дьахтарга 100 тыһыынча солкуобай суумалаах материальнай көмө оҥоһулунна диэн СӨ борокуратуурата иһитиннэрэр.