Хаартыска: sakha.gov.ru ылылынна
Бу күннэргэ бойобуой дьайыылар бэтэрээннэрэ Захар Слепцов суоппар дастабырыанньатын ылла.
2022 сыллаахха күһүн Захар мобилизациянан сулууспаҕа ыҥырыллыбыта. Бойобуой сорудаҕы толоро сылдьан кини ыараханнык бааһырбыта. Өр эмтэнэн, уустук реабилитацияны ааһан баран дьиэтигэр, кэргэнигэр, оҕолоругар төннөн кэлбитэ.
2023 сыл балаҕан ыйыттан «Аҕа дойдуну көмүскээччилэр» пуонда филиалын социальнай координатора көмөлөһөөччүнэн сыһыарыллыбыта.
Захар төһө да ыарахан бааһырыылааҕын иһин, туохтан да иҥнэн турбат, барыга көхтөөхтүк кыттар. Дьиэ кэргэнигэр кыһамньытын уурар уонна успуордунан дьарыктанар. Остуол тенниһинэн дьарыктанар, олорон эрэ волейболлуур. Өрөспүүбүлүкэтээҕи кииҥҥэ байыаннай дьайыы бэтэрээннэрин кытта бииргэ адаптивнай успуордунан нэдиэлэ ахсын дьарыктанар.
Тиһиктээх дьарык уонна дьаныар түмүктэри аҕалбыт. Захар байыаннай дьайыы бэтэрээннэрин сүүмэрдэммит хамаандатыгар киирбит. Итиэннэ Соҕуруу Сахалиҥҥа Уһук Илин бэтэрээннэрин ортолоругар ыытыллыбыт Аҕа дойдуну көмүскээччилэр Кубоктарыгар кыттан остуол тенниһигэр үрүҥ көмүс, олорон эрэ волейболга боруонса мэтээли ылары ситиспит.
—Хаһан эрэ мин массыына ыытаары эксээмэн туттара сылдьыбытым да кыаллыбатаҕа. Онтон үлэлээбитим, мобилизацияҕа барбытым, бааһырбытым, онон ити санаам хаалбыта… Бааһыран баран дьиэбэр төннүбүтүм уонна успуордунан дьарыктанарга быһаарыммытым. Онно кыһалҕаны көрсүбүтүм: кэргэним оҕолорбутун оскуолаҕа, уһуйааҥҥа таһыахтаах, ол-бу наадаларыгар барыахтаах-кэлиэхтээх. Онон миигин дьарыкка быыс булан илдьэр да кыаҕа суох курдуга. Дьэ онно мин массыына ыытарга, эксээмэни булгуччу туттарарга, «Аҕа дойдуну көмүскээччилэр» пуонда филиалын кытта сибээстэһэргэ быһаарыммытым. Мин социальнай координаторым Евгения Леонидовна «ЛидерПро» диэн массыынаны ыытарга үөрэтэр оскуоланы булбута. Кинилэргэ «Открытая дорога» диэн бырагыраамалаахтар. Хайаан да туттарыахтаахпын, дастабырыанньаны ылыахтаахпын диэн бэлэмнэммитим. Теорияны уонна быраактыканы бастакыттан туттаран, өр кэтэспит дастабырыанньабын илиибэр туттум! == диэн бэтэрээн санаатын үллэстэр.
Итини сэргэ, пуонда филиалын көмөтүнэн киниэхэ мэдиссиинэ реабилитациятыттан саҕалаан адаптацияҕа тиийэ кэлим өйөбүл тэриллибит. Ону таһынан Захар биир бастакынан анал адаптивнай таҥас кэмпилиэгин ылбыт.
Сиһилии: https://www.sakha.gov.ru/news/18805
СӨ Ил Дарханын уонна Бырабыыталыстыбатын пресс-сулууспата
Саха ыалын сиэрэ-туома. Кыыс оҕо, дьахтар харысхалын туомнарыттан салгыы таһаарабыт. Маны көрүҥ. Таһырдьа оонньуу сылдьан,…
Саха сирэ Арассыыйа эрэгийиэннэрин ортолоругар хоруупсуйаны утары охсуһууга үлэтинэн рейтиҥҥэ 7 -с миэстэҕэ сылдьар. Бэлитиичэскэй…
Бу күннэргэ Үөһээ Бүлүүтээҕи техникум үлэһиттэрэ уонна устудьуоннара байыаннай дьайыыга сылдьар уонна госпиталларга сытар уолаттарга…
"Колмар" хампаанньа ситиһиилэрин, 2025 сылга үп-харчы уонна экэнэмиичэскэй көрдөрүүлэрин, 2026 сыллааҕы былааннарын туһунан мунньаҕы Ил…
2023 сыл тохсунньутугар Томпо улууһун Дьабарыкы Хайа бөһүөлэгэр Лесная уулуссаҕа итии ууну биэрэр турба тэстибит.…
Офтальмология өрөспүүбүлүкэтээҕи балыыһата улуустартан кэлбит ыарыһахтар катаракталарын суһаллык эмтиир. Улуустан кэлбит дьон биир күн иһигэр…