Хаартыска: sakha.gov.ru ылылынна
Бу күннэргэ бойобуой дьайыылар бэтэрээннэрэ Захар Слепцов суоппар дастабырыанньатын ылла.
2022 сыллаахха күһүн Захар мобилизациянан сулууспаҕа ыҥырыллыбыта. Бойобуой сорудаҕы толоро сылдьан кини ыараханнык бааһырбыта. Өр эмтэнэн, уустук реабилитацияны ааһан баран дьиэтигэр, кэргэнигэр, оҕолоругар төннөн кэлбитэ.
2023 сыл балаҕан ыйыттан «Аҕа дойдуну көмүскээччилэр» пуонда филиалын социальнай координатора көмөлөһөөччүнэн сыһыарыллыбыта.
Захар төһө да ыарахан бааһырыылааҕын иһин, туохтан да иҥнэн турбат, барыга көхтөөхтүк кыттар. Дьиэ кэргэнигэр кыһамньытын уурар уонна успуордунан дьарыктанар. Остуол тенниһинэн дьарыктанар, олорон эрэ волейболлуур. Өрөспүүбүлүкэтээҕи кииҥҥэ байыаннай дьайыы бэтэрээннэрин кытта бииргэ адаптивнай успуордунан нэдиэлэ ахсын дьарыктанар.
Тиһиктээх дьарык уонна дьаныар түмүктэри аҕалбыт. Захар байыаннай дьайыы бэтэрээннэрин сүүмэрдэммит хамаандатыгар киирбит. Итиэннэ Соҕуруу Сахалиҥҥа Уһук Илин бэтэрээннэрин ортолоругар ыытыллыбыт Аҕа дойдуну көмүскээччилэр Кубоктарыгар кыттан остуол тенниһигэр үрүҥ көмүс, олорон эрэ волейболга боруонса мэтээли ылары ситиспит.
—Хаһан эрэ мин массыына ыытаары эксээмэн туттара сылдьыбытым да кыаллыбатаҕа. Онтон үлэлээбитим, мобилизацияҕа барбытым, бааһырбытым, онон ити санаам хаалбыта… Бааһыран баран дьиэбэр төннүбүтүм уонна успуордунан дьарыктанарга быһаарыммытым. Онно кыһалҕаны көрсүбүтүм: кэргэним оҕолорбутун оскуолаҕа, уһуйааҥҥа таһыахтаах, ол-бу наадаларыгар барыахтаах-кэлиэхтээх. Онон миигин дьарыкка быыс булан илдьэр да кыаҕа суох курдуга. Дьэ онно мин массыына ыытарга, эксээмэни булгуччу туттарарга, «Аҕа дойдуну көмүскээччилэр» пуонда филиалын кытта сибээстэһэргэ быһаарыммытым. Мин социальнай координаторым Евгения Леонидовна «ЛидерПро» диэн массыынаны ыытарга үөрэтэр оскуоланы булбута. Кинилэргэ «Открытая дорога» диэн бырагыраамалаахтар. Хайаан да туттарыахтаахпын, дастабырыанньаны ылыахтаахпын диэн бэлэмнэммитим. Теорияны уонна быраактыканы бастакыттан туттаран, өр кэтэспит дастабырыанньабын илиибэр туттум! == диэн бэтэрээн санаатын үллэстэр.
Итини сэргэ, пуонда филиалын көмөтүнэн киниэхэ мэдиссиинэ реабилитациятыттан саҕалаан адаптацияҕа тиийэ кэлим өйөбүл тэриллибит. Ону таһынан Захар биир бастакынан анал адаптивнай таҥас кэмпилиэгин ылбыт.
Сиһилии: https://www.sakha.gov.ru/news/18805
СӨ Ил Дарханын уонна Бырабыыталыстыбатын пресс-сулууспата
"Муравьев-Амурскай 2030" бырагыраама бэһис түһүмэҕин саҕаланыыта Москваҕа «Арассыыйа» национальнай кииҥҥэ үөрүүлээх быһыыга-майгыга ыытыллар. РФ Уһук…
Тирэх пуун үлэһиттэрэ байыаннай сулууспалаахтарга баһыылкалары тиэрдэллэр. Бу туһунан өрөспүүбүлүкэ тирэх пууннарын сүрүн координатора "Юстас"…
Киһи барыта баттаҕа хойуу, үчүгэй туруктаах, көстүүлээх буолуон баҕарар. Онуоха кэмиттэн-кэмигэр араас мааскалары оҥостуохха сөп.…
Суоттуга Хоноҕордооҕу "Түһүлгэ" сынньалаҥ киинигэр нэһилиэкпит аҕам саастаахтарыгар анаан Саҥа дьыллааҕы ураты тэрээһин буолла. …
2 №-дээх полиция отделын дьуһуурунай чааһыгар балыыһаттан ойоҕоһугар тостуулаах киһи киирбитин туһунан иһитиннэрии киирбит. Холуобунай…
Дьарыктаах буолуу сулууспатын көмөтүнэн ааспыт сылга өрөспүүбүлүкэҕэ байыаннай эпэрээссийэ 121 кыттыылааҕын үлэҕэ ыллылар. 61 киһи анал…