Хаартыска: sakha.gov.ru ылылынна
Байыас Вячеслав Слепцов сырдык кэриэһигэр Бөтөҥкөскө оскуола-уһуйаан тутуохтара. Бу туһунан Ил Дархан Айсен Николаев үлэтинэн улууска тиийэ сылдьан иһитиннэрдэ.
Уопсайа 120 оҕо үөрэнэригэр уонна 75 кырачаан сылдьарыгар оскуола-уһуйаан бырайыактыыр-симиэтэлиир докумуонун улуус дьаһалтата оҥорбут. Тутарга сирэ-уота бэриллибит. Ил Дархан Айсен Николаев эбийиэги өрөспүүбүлүкэ инвестиционнай бырагырааматыгар киллэрэргэ уонна үбүлээһинин көрөргө дьаһайда.
«Ыарахаттар баалларын да үрдүнэн, нэһилиэккэ хорсун-хоодуот байыас Вячеслав Слепцов аатынан оскуола-уһуйааны туталларыгар соруйабын. Байыас олоҕун толук уурбута барыбытыгар улахан сүтүгүнэн буолар. Хорсун байыаһы кэриэстээн эбийиэги тутууну саҕалыыр наада«, — диэн Айсен Николаев Баатаҕайга ыытыллыбыт мунньахха бырабыыталыстыба чилиэннэригэр туһаайан эттэ.
Вячеслав Слепцов нэһилиэккэ баһылыгынан уоппускаҕа кэлэ сылдьан талыллыбыта. Бу мобилизацияламмыт байыас муниципалитекка салайар дуоһунаска талыллыыта Арассыыйаҕа бастакы түгэнинэн буолбута.
Байыас Илиҥҥи байыаннай уокурук 5-с гвардейскай холбоһуктаах сэбилэниилээх аармыйа 60-с туспа мотострелковай батальонун штурмовой ротатын взводун отделениетыгар старшай стрелогунан сылдьыбыта. «За укрепление боевого содружества» мэтээллээх.
ДНӨ байыаннай дьайыыга кытта сылдьан олоҕун толук уурбут Вячеслав Слепцову Бүтүн Арассыыйатааҕы «Служение» муниципальнай бириэмийэҕэ «Мужество и героизм – на благо служения Родине» номинацияҕа түһэрбиттэрэ. Бириэмийэ РФ Бэрэсидьиэнэ В.Путин көҕүлээһининэн тэриллибитэ уонна муниципалитеттар сайдыыларыгар, нэһилиэнньэ олоҕун хаачыстыбатын тупсарыыга дьоһун кылааттарын киллэрбит дьоҥҥо ананар. Куоластааһын Госуслуги порталыгар 2025 с. кулун тутар 1 күнүттэн саҕаланар.
СӨ Ил Дарханын уонна Бырабыыталыстыбатын пресс-сулууспата
Сахабыт сирин агрооскуолалара сылын ахсын оҕону үлэнэн иитэн, оҕуруот аһын арааһын олордоллор, оскуолаларын дьэрэкээн сибэккинэн…
Саха сиригэр ааспыт сууккаҕа үс ойуур баһаарын умуруордулар. Уот хаппыт уопсай иэнэ 1 596 га. Бу…
Арассыыйаҕа балаҕан ыйын 1 күнүттэн суол быраабылаларыгар уларытыылар олоххо киириэхтэрэ, оҕо кириэһилэтигэр ирдэбил кытаатыаҕа. Быраабы…
Ый бэлиэтэ -- Суор ойуута. Суор -- ытык көтөр. Итэҕэл үөрэҕинэн, бу ыйга сиргэ Улуу…
Норуот синоптига Тускул билгэлииринэн, быйыл Саха сиригэр «Дьахтар сайына» балаҕан ыйын 6-14 күннэригэр кэлиэҕэ. Тускул…
Күндү учууталлар, үөрэнээччилэр, педагогическай үлэ бэтэрээннэрэ, төрөппүттэр! Ис сүрэхпиттэн биһиэхэ барыбытыгар дьоһун суолталаах Билии күнүнэн…