Байыас үөрэммит оскуолатын үөрэнээччилэрин кытта көрүстэ

Анал байыаннай дьайыы бэтэрээнэр, төрөөбүт Үөһээ Дьааҥы оройуонугар олохтоох оскуола үөрэнээччилэрин кытта өйдөбүнньүк көрсүһүүнү ыытта. Байыас кылаас салайааччытын ыҥырыытыгар үөрүүнэн кытынна.

Евгений этэринэн, киниэхэ бу көрсүһүү ордук долгутуулаах буолла – бу осккуолаҕа кини хаһан эрэ билиини ылбыта. Көрсүһүү сылаас уонна истиҥ эйгэҕэ буолан ааста. Кини оҕолорго экстремальнай усулуобуйаҕа миэдиктэр үлэлэрин, доҕордоһууну, төрөөбүт дойдутун иннигэр ытык иэс уонна дьиҥнээх тыын күүһүн туһунан кэпсээтэ.

Тэрийээччилэр этэллэринэн, үөрэнээччилэр барытын олус долгуйан олорон иһиттилэр уонна ыйытыылары биэрдилэр. Евгений бары киирбит ыйытыыларга чиэһинэйдик уонна истиҥник хоруйдаата. Кылаас салайааччыта бэтэрээҥҥэ махтанна — бу көннөрү сэһэргэһии буолбакка, дьиҥнээх олох уруога диэн бэлиэтээтэ. Уруок түмүгэр Евгений Лунев үөрэнээччилэргэ идеалларга бэриниилээх буоларга уонна төрөөбүт дойду көҥүлүн көмүскээбит Дьоруойдары хаһан да умнубаттарыгар баҕарда.

«Маннык көрсүһүүлэр саамай чаҕылхай санаалары, иэйиилэри хаалаллар дии саныыбын. Бу ханнык эрэ саллаат туһунан устуоруйаны ааҕыы эрэ буолбатах. Манна хас биирдии киһи тутатына ханнык баҕарар ыйытыыны биэриэн уонна чиэһинэй хоруйу ылыан сөп. Мин оскуола эркинигэр 15-тэн тахса сыл сылдьыбатаҕым, манна киирэн баран, баччааҥҥа диэри үтүө тылынан ахталларын сөҕө санаабытым. Оҕолор ордук кыһамньылаахтык үөрэнэллэригэр, сыалларын ситиһэллэригэр баҕардым», — диэтэ Евгений.