Хаартыска: СИА
Өрөспүүбүлүкэтээҕи офтальмологическай балыыһаҕа быйыл сайынтан байыаннай дьайыы кыттыылаахтарыгар харахха босхо лазернай коррекция эпэрээссийэлэрин оҥорон барбыттара.
Соторутааҕыта уоппускаҕа кэлбит «Боотур» этэрээт байыаһыгар көмө оҥордулар. Кыттааччы этэринэн, хараҕынан куһаҕаннык көрөр буолан, байыаннай соруктары толорууга улаханнык мэһэйдэтэр эбит. «Тихон» диэн позывнойдаах байыас байыаннай дьайыы хонуутугар рядовой стрелогунан сулууспалыыр. Кини үс оҕону иитэр уонна от ыйыгар уоппускаҕа кэлбит.
Киһи этэринэн, хараҕынан куһаҕаннык көрөрө кыра сааһыттан мэһэйдиир эбит. «Харах балыыһатыгар маннык босхо эмтэнэр кыах үөскээбитин туһунан билбитим. Байыастарга үчүгэй харахтаах буолуу олус наадалаах. Байыаннай соруктары толорууга ачыкы олус мэһэйдиир этэ. Офтальмология быраастара миэхэ эмтэнии ааһар кэмин хас биирдии сүһүөҕүнэн арааран олус судургутук быһаардылар. Маннык кыаҕы туһаммыппыттан олус махтанабын. Эпэрээссийэ үчүгэйдик ааста. Бу үлэни быраас Иннокентий Белолюбскай ыытта. Билигин массыынаны ыытар кыахтанным уонна үчүгэйдик көрөбүн. Байыаннай дьайыы зонатыгар хаттаан барарга тэринэ сылдьабын», — диэн СИА кыттыылааҕын кытта үллэһиннэ. Маннык өйөбүл кээмэйэ Ил Дархан Айсен Николаев көҕүлээһининэн ыытыллар. Байыаннай сулууспалаахтар лазернай коррекцияны Саха сиригэр «Аҕа дойдуну көмүскээччилэрэ» судаарыстыбаннай пуонда филиалын нөҥүө ааһыахтарын сөп.
«Айсен Николаев норуот дьокутааттарыгар байыаннай сулууспалаахтарга көмө оҥорууга араас этиилэри киллэрэргэ сорук туруорбута. Биһиги байыастарга босхо лазернай коррекцияны ыытарга быһаарыы ылыммыппыт. Бу этиини кини өйөөбүтэ, сөптөөх үп-харчы көрүллүбүтэ. Хантараак түһэрсиэн уонна төрөөбүт дойдутугар уоппускаҕа кэлэр байыастар Өрөспүүбүлүкэтээҕи офтальмологическай балыыһаҕа бу көмөнү туһаныахтарын сөп. Бу эпэрээссийэ барыларыгар сөп түбэспэт диэн бэлиэтиибин. Онон эпэрээссийэни ыытарга быраас көрбүтүн кэннэ биирдэ быһаарыы ылыллар», — диэн норуот дьокутаата, офтальмологическай балыыһа кылаабынай бырааһа Иван Луцкан кэпсээтэ.
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэтигэр сылы түмүктүүр тэрээһин буолан ааста –…
Кэлиҥҥи сылларга киин куоракка уонна улуустарга уопсастыбаннай сирдэр тупсаҕай оҥоһуулаах буолбуттарын Ил Дархан бүгүҥҥү Ил…
Арассыыйаҕа “Оҕо сүрүн ырыалара” айар бырайыак күүскэ сайдар. Бэрэсидьиэн култуура көҕүлээһиннэригэр пуондатын өйөбүлүнэн Кыайыы мусуойа…
“Сахафильм” киинэ хампаанньа салайааччыта Алексей Егоров култуура, патриотизм туһунан санаатын үллэстэр: -Ил Дархан бүгүн Ил…