Байыастан харчы уорбут волонтер-дьахтар дьыалатын хаттаан көрдүлэр

СӨ Үрдүкү суутун суут кэллиэгийэтэ киин куорат суутун бириигэбэринэн буруйдаах волонтер-дьахтар сайабылыанньатынан холуобунай дьыала матырыйаалларын хаттаан көрдө.

2022 сыл ахсынньы 3 күнүгэр буруйдаах дьахтар Крымҥа байыаннай полигон территориятыгар сылдьан, биир байыастан баан каартатын, пин-кодун, докумуоннарын эдьиийигэр илдьэн биэриэм диэн сылтахтанан ылбыт. Ол сылдьан дьахтар инникитин үбү-харчыны уорарга санаммыт. Дьахтар харчыны сокуоннайа суох 2023 сыл кулун тутар 10 күнүгэр диэри туһаммыт уонна уопсайа 815 715 солк. сууманы ороскуоттаабыт.

Суут кэмигэр дьахтар буруйун толору билиммит, силиэстийэ кэмигэр хоромньуну сууматын төнүннэрбит. Дьокуускай куорат суутун бириигэбэринэн буруйдаах дьахтары 3 сылга көҥүлүн быһарга уураахтаабыт. Дьахтар бириигэбэри кытта сөбүлэспэккэ, үрдүкү инстанцияҕа үҥсүү түһэрбит.
СӨ Үрдүкү суута бириигэбэри уларытта уонна дьахтары 2 сыл 6 ый болдьоххо көҥүлүн быста.

Бириигэбэр сокуоннай күүһүгэр киирдэ, диэн СӨ Үрдүкү суутун пресс-сулууспата суруйар.