Байыастар 3500 кэриҥэ оҕото сайыҥҥы лааҕырдарынан хабылыннылар

Саха сиригэр оҕо лааҕырдарыгар 3500 кэриҥэ оҕо босхо сынньанар. Бу туһунан «Сосновый бор» оҕолору сынньатар уонна чэбдигирдэр киин дириэктэрэ Яна Иванова иһитиннэрдэ.

«Босхо путевкалар сылы эргиччи  үлэлиир чэбдигирдэр «Сосновый бор» оҕо лааҕырдарыгар, «Чэбдик» санаторийга, «Энергетик», «Доҕордоһуу» уонна Краснодарскай кыраай оҕо лааҕырдарыгар көрүллэллэр. Судаарыстыбаннай  лааҕырдарга Саха сиригэр сайыҥҥы сынньалаҥынан — 705, муниципальнай лааҕырдарга — 1807, оттон өрөспүүбүлүкэ таһыгар Краснодар кыраайга — 960 оҕо хабылынна», — диэн Яна Иванова кэпсээтэ.

Санатан эттэххэ, Ил Дархан Айсен Николаев  «О мерах поддержки участников специальной военной операции и членов их семей в период проведения специальной военной операции» Ыйааҕынан  2023 с. сэтинньи 1 күнүттэн үөрэх эйгэтигэр 11 хайысхалаах социальнай өйөбүл оҥоһуллар.

Манна даҕатан эттэххэ, Саха сиригэр быйыл сайыҥҥы сынньалаҥынан 555  лааҕырынан 54 тыһ. тахса оҕо хабылынна.