Хаартыска: СИА
Доруобуйаларынан хааччахтаах оҕолорго аналлаах Өрөспүүбүлүкэтээҕи реабилитациялыыр кииҥҥэ анал байыаннай дьайыы кыттыылаахтарын 573 дьиэ кэргэн чилиэннэрэ социальнай реабилитацияны аастылар, ол иһигэр 335 оҕо уонна 238 сокуоннай бэрэстэбиитэл. Бу туһунан атырдьах ыйын 7 күнүгэр буолбут брифиҥҥэ тэрилтэ дириэктэрэ Зинаида Максимова иһитиннэрдэ.
«Билиҥҥи туругунан биһиэхэ 13 оҕо уонна 12 төрөппүт реабилитацияны ааһа сылдьаллар. Оҕолорго аан бастаан комплекснай диагностика ыытыллар, биһиги исписэлиистэрбит кинилэр доруобуйаларын, сайдыыларын туругун бэрэбиэркэлииллэр. Ол түмүгүнэн мэдиссиинискэй процедуралары, психолого-педагогическай дьарыктары киллэрэллэр», – диэн Зинаида Максимова эттэ.
Кини иһитиннэрбитинэн, байыаннай дьайыы кыттыылаахтарын дьиэ кэргэттэрин улахан дьонугар «Эрэли бэлэхтээ» бырайыак чэрчитинэн психологическай трениннэр уонна араас интэриэһинэй айар маастар-кылаастар ыытыллаллар.
Чөлүгэр түһээччилэр массаас сеанстарын ылаллар, гидрованнаҕа процедуралары ааһаллар, арт-терапия дьарыктарыгар сылдьаллар, психолог тус консультациятын ылаллар. Дьиэ кэргэн үгүс ийэлэрэ кииҥҥэ иккис-үһүс төгүлүн реабилитацияланаллар. Кинилэр этэллэринэн, маннык процедуралар уонна айар дьарыктар психологическай туругу тупсарарга олус туһалаахтар.
Ааспыт нэдиэлэҕэ тэрилтэҕэ «Саха сирэ – Дьоруойдар сирдэрэ» бырайыак кыттыылааҕа Андрей Ярков сылдьыбыт. Кини киин үлэһиттэрин уонна чөлүгэр түһээччилэри кытта байыннай дьайыы кыттыылаахтарын дьиэ кэргэттэрин өйүүр боппуруостары дьүүллэстэ, олоҕун уопутуттан сүбэ-ама биэрдэ. Зинаида Максимова өссө бэлиэтээбитинэн, иллэҥ кэмнэригэр киин үлэһиттэрэ уонна чөлүгэр түһээччилэрэ инники кирбиигэ сылдьар Саха сириттэн төрүттээх байыастарга анаан хаххалыыр сиэккэлэри өрүүнэн дьарыктаналлар. Ол курдук, кинилэр күүстэринэн үс сиэккэ оҥоһуллан, анал байыаннай дьайыы зонатыгар ыытылынна. Бу туһунан Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата иһитиннэрэр.
Бүгүн, атырдьах ыйын 7 күнүгэр, күнүс 13.50 м. 112 систиэмэ нөҥүө Хатыҥ Үрэх шоссетыгар дьахтар…
От кэмэ буолан киһи барыта хаалбыт кэми туттумахтаан оттоору, ардах түспэтэр ханнык диир. Ону хайдах…
Бүгүн бороһуок хартыыһалаах тууһаммыт оҕурсу судургу, ол гынан баран олус минньигэс ырысыабын кытта үллэстэбит. Хартыыһа…
Дьокуускай куорат 3 №-дээх полициятын отделын дьуһуурунай чааһыгар олохтоох киһи биллибэт киһи эчэйии оҥорбутун туһунан…
Бу сыл бүтүөр диэри Дьокуускай куорат Якутскай, Космонавтар уонна Пионерскай уулуссаларын икки ардыларыгар турар 2Б…
Тыа хаhаайыстыбатын миниистирин бастакы солбуйааччы Анна Стручкова атырдьах ыйын 5 күнүгэр Горнай улууhугар үлэлээтэ. Былааннаммытынан…