Хаартыска: ЯСИА
Өрөспүүбүлүкэҕэ байыаннай дьайыы кыттыылаахтарын 747 төрөппүтэ санаторнай-курортнай эмтэниигэ көмөнү ылла. Бу туһунан СӨ Бырабыыталыстыбатын Бэрэссэдээтэлин солбуйааччы Георгий Степанов сэтинньи 10 күнүгэр ыытыллыбыт нэдиэлэтээҕи брифиҥҥэ иһитиннэрдэ.
Саха сиригэр байыаннай дьайыы кыттыылаахтарыгар уонна кинилэр дьиэ кэргэттэригэр өйөбүл миэрэлэрин оҥоруу үлэтэ салҕанар. Ол курдук, буойуттар уонна кинилэр чугас дьонноро материальнай көмөнү ылаллар, мэдиссиинэ тэрилтэлэригэр чөлүгэр түһэриини ааһаллар, үлэҕэ киирэллэригэр уонна идэҕэ үөрэнэллэригэр көмөлөһөллөр.
«Байыаннай дьайыы кыттыылаахтарын 220 ыалыгар олорор дьиэлэрин гааска холбуурга материальнай көмө оҥоһулунна. 555 киһиэхэ байыаннай сулууспалаах эмтэнэр сиригэр барарыгар материальнай көмө көрүлүннэ. Доруобуйа харыстабылын уонна социальнай хааччыйыы тэрилтэлэригэр 1540 байыаннай дьайыы кыттыылааҕа уонна кинилэр дьиэ кэргэттэрин 2882 чилиэнэ чөлүгэр түһэриини ааста. 516 киһи дьиэтигэр уонна стационары аҥаардаах көрүҥүнэн социальнай өҥөнү ылла. 34 киһи тырааныспары салайыыга бэлэмниир бырагырааманан үөрэммиттэрин ороскуотун толуйтарда», – диэн Георгий Степанов бэлиэтээтэ.
Өйөбүл миэрэлэрин биир сүрүн хайысхатынан сулууспаттан төннүбүт байыаннайдар уонна кинилэр дьиэ кэргэттэрин чилиэннэрэ үлэнэн хааччыллыылара буолар. Өрөспүүбүлүкэ бырабыыталыстыбатын вице-премьерин дааннайынан, нэһилиэнньэни үлэнэн хааччыйар кииннэргэ үлэҕэ киирэргэ көмө көрдөөн 1073 киһи, ол иһигэр 422 байыаннай дьайыы кыттыылааҕа уонна 651 дьиэ кэргэнин чилиэнэ, туруорсубут. Кинилэртэн 203 киһи идэҕэ үөрэххэ ыытыллыбыт, оттон 652 киһи үлэҕэ киирбит.
Саха сирин чэпчэки атлетикатын бастыҥнарыттан биирдэстэрэ Наталья Леонтьева Узбекистаҥҥа ыытыллыбыт Самарканд марафонугар үрүҥ көмүс мэтээлинэн…
Саха сирин уус-уран гимнастикаҕа кулууптара Казахстаҥҥа уонна Таилаҥҥа ыытыллыбыт норуоттар икки ардыларынааҕы күрэхтэһиилэргэ ситиһиилээхтик кытыннылар.…
Бүгүн, сэтинньи 10 күнүгэр, Дьокуускайга байыаннай дьайыы кыттыылаахтарыгар аналлаах «СВОй бизнес» үөрэтэр бырагыраама үөрүүлээх аһыллыыта…
Сэтинньи 13 күнүттэн режиссер Аполлинария Дегтярева «Присутствие» диэн саҥа киинэтэ киэҥ экраҥҥа тахсыаҕа. Мистическэй триллергэ…
Бүлүү улууһун суутунан Кыргыдай орто оскуолатыгар оҕолорго сөптөөх услуобуйаны уонна куттала суох буолууну тэрийэргэ сорудахтанна.…
Дьокуускай куоракка Халтурин уулуссаҕа үс киһи олоҕун быспыт баһаар барыллаан быһаарыынан уоту сэрэҕэ суох туһаныыттан…