Ил Дархан, бырабыыталыстыба пресс-сулууспата
Анал байыаннай эпэрээссийэҕэ кыттар кэргэттэрин өйүүр «Самоподдержка и саморазвитие»р бырайыакка Саха сирин 23 оройуоннарыттан 90-тан тахса дьахтар кыттыыны ылла.Бу туһунан «Аҕа дойдуну көмүскээччилэр» анал байыаннай дьайыыы кыттыылаахтарын өйүүр судаарыстыбаннай пуонда филиалын салайааччыта Алексей Александров брифиҥҥэ кэпсээтэ.
«2024 сыл ахсынньы ыйыттан 2025 сыл ыам ыйыгар диэри 4 үөрэх модулунан психологтар консультацияларын, вакансиялар дьаарбаҥкатын , о.д.а. киэҥ бырагыраамалаах киэҥ үөрэҕи аастылар», — диэтэ пуонда филиалын салайааччыта. Бырайыак сүрүн былаһаакканан уонна тутаах партнерынан тэриллибит «Женское движение Единой России» хамсааһын көҕүлээһининэн пуонда филиалын өйөбүлүнэн олоххо киллэриллэр. Ону сэргэ пуонда филиалынан «Мин биисинэһим» киининэн уонна Урбаан министиэристибэтинэн «СВОё дело|14» бастакы үөрэх бырайыага ыытыллар.
«Биэс хонук устата киэҥ бырагыраама оҥоһулунна, кыттааччылар биисинэс-бырайыактарын эспиэрдэр хамыыһыйатын иннигэр билиһиннэрдилэр. Эспиэрдэр кыайыылаахтары быһаардылар. Бырайыакка барыта 20-тэн тахса байыаннай дьайыы бэтэрээнэ уонна кинилэр дьиэ кэргэттэрин чилиэннэрэ кыттыыны ыллылар», — диэн Алексей Александров иһитиннэрдэ.
Ааспыт нэдиэлэҕэ биир кэлим үлэ дьаарбаҥката буолан ааста. Аҕа дойду көмүскээччилэрин дьаарбаҥкатыгар 19 үлэ биэрээччитэ кытынна. 200-тэн тахса вакансия биллэрилиннэ. Дьаарбаҥка кэмигэр үлэлиэн баҕалаахтар араас консультациялары ыллылар уонна тус кэпсэтиилэри аастылар. Сиһилии манна аах.
Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Ахсынньы 28 күнүнээҕи туругунан, өрөспүүбүлүкэҕэ бу сыл устата 694 суол саахала таҕыста, 80 киһи өлбүт,…
Бүлүү улууһун урбаанньыттара элбэх оҕолоох ыалларга, анал байыаннай эпэрээссийэ кыттыылаахтарын оҕолоругар Саҥа дьыллааҕы бэлэхтэри туттарар…
Ахсынньы 28 күнүгэр олохтоох бириэмэнэн 22:18 чааска «Восточнай» космодромтан «Союз-2.1б» аракыата көтөн, тобохторо Саха сирин…
Дьокуускай куоракка оперативниктар таҥаһы-сабы атыылыыр туһунан сымыйа биллэриини таһааран түөкүннээһиҥҥэ уорбаланар киһини туттулар. Ол курдук…
Ахсынньы 22 күнүгэр Саха Өрөспүүбүлүкэтин доруобуйатын харыстабылын устуоруйатыгар киирэр кэрэ-бэлиэ түгэн үүннэ. Ол эбэтэр Үөһээ…
Саха сирин амарах, үтүө санаалаах дьоно тиһигин быспакка анал байыаннай дьайыыга сылдьар, госпиталларга сытар биир…