ЯСИА хаартыската
Доруобуйаларынан хааччахтаах оҕолор уонна улаатан эрэр оҕолор өрөспүүбүлүкэтээҕи реабилитационнай кииннэригэр байыаннай дьайыы кыттыылаахтарын дьиэ кэргэттэрин 524 чилиэнэ социальнай реабилитацияны аастылар. Ол иһигэр 308 оҕо уонна 216 кинилэр сокуоннай бэрэстэбиитэллэрэ.
Бу туһунан тэрилтэ дириэктэрэ Зинаида Максимова иһитиннэрэр.
—Оҕолор киирэллэрин кытта кэлим диагностика оҥоһуллар. Ол кэнниттэн тус маршруттара быһаарыллар. Онно биирдиилээн уонна бөлөҕүнэн психолого-педагогическай, социальнай-бытовой, араас дьарыктар, мэдиссиинэ процедуралара, социокултуурунай тэрээһиннэр бааллар, — диир кини.
Төрөппүттэргэ тирээн турар тиэмэлэргэ лиэксийэлэр, бэсиэдэлэр ыытыллаллар, психологическай трениннэр, арт-терапия, массаас бааллар. Ааспыкка байыастар кэргэттэригэр, төрөппүттэргэ икки маастар-кылаас ыытыллыбыт. Бастакы маастар-кылаас бэйэни массаастанарга уонна сирэйи көрүнэргэ. Маастар-кылаастары сэртипикээттээх маастар Генриетта Сидорова, арт-терапия исписэлииһэ Алевтина Петрова ыыппыттар. Маны таһынан кииҥҥэ төрөппүттэр мунньахтара, араас тэрээһиннэр буолаллар. Бэс ыйын 27 күнүгэр тэрилтэ манна баар дьонугар анаан ыһыах оҥорор былааннаах.
Сиһилии: https://www.sakha.gov.ru/news/7219
СӨ Ил Дарханын уонна Бырабыыталыстыбатын пресс-сулууспата
Арассыыйа Силиэстийэлиир кэмитиэтин салайааччы Александр Бастрыкин Дьокуускай хаарбах дьиэлэргэ олохтоох дьонун үҥсүүлэринэн, кинилэр бырааптарын кэһии…
Бүгүн, алтынньы 13 күнүгэр, Хатас сэлиэнньэтигэр Охлопковтар дьиэ кэргэҥҥэ гаас холбонон, үөрүүлээх түгэн буолла. Бу…
Дьокуускайга полицейскайдар 5 саастаах оҕотун дьиэтигэр таһыттан хатаан баран барбыт ийэни эппиэтинэскэ тардыбыттарын туһунан ИДьМ…
Бүгүҥҥүттэн, ол эбэтэр алтынньы 13 күнүттэн, Дьокуускайдааҕы өрүс пуордуттан Аллараа Бэстээххэ диэри катерынан дьону таһыы…
Дьокуускайдааҕы гидро-метео ыстаансыйа управлениета Саха сирин өрүстэрин алтынньы 13 күнүнээҕи туруктарын туһунан иһитиннэрэр. Өрүстэр…
Дьокуускай полицейскайдара 44 тыһ. солк. кэриҥэ харчыны уорууга уорбаланар киһини туттулар. Полиция 1-кы №-дээх отделын…