Хаартыска sakha.gov.ru ылылынна
Оҕолор доруобуйаларын чэбдигирдэр өрөспүүбүлүкэтээҕи киҥҥэ байыастар дьиэ кэргэттэрин кытары эмиэ үлэлэһэллэр.
Быйыл олунньу ыйтан бу киин баазатыгар байыастар дьиэ кэргэттэрин социальнай реабилитациялааһын үлэтэ ыытыллар. Бүгүҥҥү күн туругунан реабилитацияны 139 киһи ааспыт, итинтэн 51 улахан киһи уонна 88 оҕо.
«Хас биирдии оҕону кытта сэһэргэһии уонна диагностика туспа ыытыллар. Реабилитациялыыр маршрут оҥоһуллар. Кимиэхэ эрэ хамсанан-имсэнэн чөлгө түһүү, эмтиир физкултуура, массаж, физиотерапия наада. Ону тэҥэ, биһиэхэ араас оонньуур бырагыраамабыт элбэх, ону оҕолор олус сөбүлүүллэр«, — диир социальнай тэрилтэ дириэктэрэ Зинаида Максимова.
Улахан дьоҥҥо ураты болҕомто ууруллар. Психологтар «Ис дууһаттан кэпсэтии» диэн араас бэсиэдэлэри оҥороллор, сэһэргэһэллэр. Онно туохха саарбаҕалыылларын, туохтан куттаналларын ырыталлар. Маныаха киһи туохтан санааргыырын аһаҕастык кэпсээтэҕинэ, уоскуйар. Маны сэргэ, улахан дьоҥҥо эмиэ физиотерапияны уонна битэмииннэри, араас эмтээх оттон чэйдэри аныыллар.
Өссө биир хайысханан учууталлар төрөппүттэри кытары үлэлэрэ буолар. Кинилэр ийэлэргэ оҕолорун хайдах дьарыктыылларыгар үөрэтэллэр, оҕо сайдарыгар туохха болҕомтону туһаайарга сүбэ-ама биэрэллэр.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…