Салгыы
Байыастар дьиэ кэргэттэригэр өйөбүлү оҥоруу уопутун үллэстэллэр

Байыастар дьиэ кэргэттэригэр өйөбүлү оҥоруу уопутун үллэстэллэр

22.03.2023, 10:07
СӨ Бырабыыталыстыбатын пресс-сулууспатын хаартыската
Бөлөххө киир:
 Байыаннай дьайыыга сылдьар байыастар дьиэ кэргэттэригэр өйөбүл уопута «Агентство стратегических инициатив по продвижению новых проектов» диэн кэммиэрчэскэйэ суох автономнай  тэрилтэ мунньаҕар, Ил Дархан Айсен Николаев көҕүлээһинэн оҥоһуллубут өйөбүллэр  миэрэлэрэ Уһук Илин федеральнай уокурук эрэгийиэннэригэр бастыҥнар ортолоругар киирдэ. 

СӨ Бырабыыталыстыбатын вице-премьерэ Ольга Балабкина иһитиннэрбитинэн, өрөспүүбүлүкэҕэ байыастар дьиэ кэргэттэрин өйүүр 51 бөлөх тэриллибит. Ол курдук, хас улуус ахсын уонна Дьокуускай куоракка маннык бөлөхтөр тэриллибиттэр. Бөлөхтөр сүрүн соруктарынан — байыастар дьиэ кэргэттэригэр үөскээбит кыһалҕалары  суһаллык быһаарыы буолар.

«Холобур, ийэҕэ кыһалҕа үөскээтэҕинэ кини бөлөххө суруйар. Өскөтүн, бу кыһалҕа күннээҕи олох-дьаһах тула буоллаҕына, кыһалҕаны нэһилиэк таһымыгар быһаарыахха сөп. Оччотугар манна нэһилиэк эбэтэр улуус баһылыга ылсан үлэлэһэр. Оттон кыһалҕа уустук буоллаҕына, бу өрөспүүбүлүкэ бөлөҕөр ыытыллар. Оччотугар биһиги суһаллык ИДьМ, суут бириистэптэрин, өрөспүүбүлүкэ байыаннай комиссариатын, о.д.а суһал лииньийэлэр хайысхаларынан кыһалҕаны быһаарарга ылсабыт», — диэн этэр Ольга Балабкина.

Ольга Валерьевна иһитиннэрбитинэн, көмө бөлөҕөр уопсайа 1250 киһи көмө көрдөөн суруйбут. Билигин 229 сайаапкаҕа үлэлэһэ сылдьаллар эбит.

Салалталарга эппиэтинэстээх дьон сыһыарыллыбыттар. Кинилэр байыаннай сулууспалаахтар дьиэ кэргэттэрэ кыһалҕалаах кэллэхтэринэ кэмигэр хаачыстыбалаах көмөнү оҥоруохтаахтар.

Маны сэргэ, Ольга Балабкина иһитиннэрбитинэн, сүрүн болҕомто байыаннай сулууспалаахтарга уонна кинилэр дьиэ кэргэттэригэр уйулҕа өттүнэн көмөнү оҥорууга ууруллар.  Бүгүҥҥү күҥҥэ уйулҕа үлэһиттэрэ уопсайа 5,5 тыһыынча өҥөнү оҥорбуттар.

Санатар буоллахха,  байыаннай дьайыыттан кэлбит сулууспалаахтары кытта үлэҕэ АСИ Уһук Илин эрэгийиэннэри биир ситимнээтэ. Мунньах кэмигэр уйулҕа өттүнэн көмөнү уонна байыаннай сулууспалаахтар кыһалҕаларын быһаарыыга арыаллааһын боппуруостарын туһунан  бүтүн эрэгийиэннээҕи сулууспаны тэрийии боппуруоһа көтөҕүлүннэ. Саха сирин кытта Самара, Калуга уобаластара, Бурятия, Хабаровскай уонна Камчатка кыраайдара бэйэлэрин уопуттарын үллэһиннилэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
15 июня
  • 16°C
  • Ощущается: 16°Влажность: 82% Скорость ветра: 2 м/с

Сообщить об опечатке

Текст, который будет отправлен нашим редакторам: