Хаартыска: sakha.gov.ru
Доруобуйаларыгар хааччахтаах оҕолору реабилитациялыыр өрөспүүбүлүкэтээҕи кииҥҥэ байыастар дьиэ кэргэттэрэ (667 киһи) кэлим реабилитацияны аастылар.
Ол иһигэр 386 оҕо уонна 281 улахан киһи. Бу туһунан тэрилтэ дириэктэрин э.т. Анна Пудова иһитиннэрдэ.
Санатан эттэххэ, бу үлэ Ил Дархан Айсен Николаев ыйааҕын толоруу иитинэн ыытыллар.
—2023 сыллаахха олоххо киллэриллибит бырагыраама хас биирдии оҕоҕо болоҕомто ууруллуутунан, интэриэһин быһаарыытынан тупсарыллыбыта. Сүрүн реабилитациялыыр процедураны таһынан, куратордар үлэлэрин саҥа көрүҥэ киирбитэ. Хас биирдии дьиэ кэргэни исписэлиис арыаллыыр, бу өйөбүлү күүһүрдэр уонна социализация көдьүүһүн үрдэтэр. Маны таһынан хас нэдиэлэ ахсын кураторы кытта ыытыллар тэрээһиннэргэ сылдьаллар. Холобур, түмэллэргэ, киинэҕэ сылдьаллар, бассейҥҥа сөтүөлүүллэр, хаҥкынан хатааһылыыллар. Киин кэлэктиибэ бырагырааманы салгыы сайыннарарга бэлэм. Биһиги сыалбыт — реабилитацияны төһө кыалларынан көдьүүстээх, табыгастаах, туһалаах оҥоруу, — диир Анна Пудова.
Кини иһитиннэрбитинэн, манна оҕолорго психолог көмөлөһөр, массаас, физиотерапия, гидробаанна, бассейҥҥа дьарык, уо.д.а. бааллар. Улахан дьоҥҥо психотерапевт тус сүбэтэ оҥоһуллар, психологическай трениннэр ыытыллаллар, араас маастар-кылаастарга сылдьыахтарын сөп.
Сиһилии: https://www.sakha.gov.ru/news/16122
СӨ Ил Дарханын уонна Бырабыыталыстыбатын пресс-сулууспата
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников кэккэ улуустарга доруобуйа харыстабылын эбийиэктэрин тутуу уонна саҥалыы…
Саха сирин 69 устудьуона "Я – профессионал" олимпиада түмүктүүр түһүмэҕэр ааста. Бүтүн Арассыыйатааҕы "Я –…
Арассыыйа суруналыыстарын сойууһун эрэгийиэннээҕи салаата ааспыт сыл түмүктэринэн тэрийбит куонкуруһун кыайыылаахтара билиннилэр. Кинилэр кимнээхтэрий? Ол…
Арассыыйаҕа уһуннук салҕаммыт 12 хонуктаах Саҥа дьыллааҕы бырааһынньык аны алта сылынан буолуоҕа. Ол курдук, 2032…
Харах мөлтөөһүнүн эрдэттэн сэрэтиэххэ сөп диэн бэлиэтииллэр. Саха ыалын халандаарыгар (2007 с.) бу туһунан маннык…
Илиҥҥи халандаарынан 2026 сыл Уот кыһыл ат сыла. Сахалар сылгынан билгэлэрэ үгүс. Онтон сүрүн билгэлэри…