Байыастар дьиэ кэргэттэрин кэмитиэтин филиаллара байыаннай дьайыыга бэлэх ыыттылар

Саха сирин байыастарын дьиэ кэргэттэрин кэмитиэтин бары улуустарыгар баар филиаллара бу күннэргэ байыаннай дьайыыга сылдьар байыастарга Аҕа дойдуну көмүскээччи күнүн көрсө бэлэхтэри ыыттылар.

Бу туһунан брифинг кэмигэр Кэмитиэт салайааччытын солбуйааччы Саргылаана Неустроева иһитиннэрдэ.

«Кылгас кэм иһигэр Кэмитиэт актыбыыстара баһыылканы тэрийиигэ ылсыбытынан барбыттара. Манна тактическай браслеттары, наскылары, бэрчээккилэри ыыттыбыт».

Бэлиэтээн суруйдахха, байыаннай дьайыы кыттыылаахтарын өйүүр үлэни тэрийиини хамыыһыйа Айсен Николаев салалталаах «Вместе к Победе!» диэн өрөспүүбүлүкэтээҕи хамыыһыйа сүрүннүүр.